اپتاپ ىستىق وزبەكتەردى القىمنان الىپ بارادى. سينوپتيكتەردىڭ ايتۋىنشا, وزبەكستاننىڭ بىرقاتار وبلىسىندا سىناپ باعاناسى 43 گرادۋسقا دەيىن جەتىپ وتىر. ناقتىراق ايتار بولساق, قاراقالپاقستان رەسپۋبليكاسىندا, حورەزم, ناۋاي جانە بۇقارا وڭىرلەرىندە كۇن قاتتى ىسىپ, رەكوردتىق كورسەتكىشكە جەتكەن. وتە ىستىق اۋا تەمپەراتۋراسى وزبەكستان اۋماعىندا ءالى ءبىر اپتاداي ساقتالادى.
مامانداردىڭ مالىمدەۋىنشە, بۇرىن مۇنداي جاعداي 1933 جىلى تىركەلگەن. قازىر تاشكەنتتەگى مەترو ۆاگوندارىنىڭ جىلدامدىعىنا دا شەكتەۋ قويىلدى.
«ماۋسىمنىڭ 3 مەن 6 ارالىعىندا يران اۋماعىنان كەلگەن ىستىق اۋانىڭ سالدارىنان كۇن ىسيدى دەپ كۇتىلەدى. بۇل كۇندەرى اۋا تەمپەراتۋراسى كليماتتىق نورمادان 70 پايىزعا دەيىن ارتادى. ياعني كۇندىز سىناپ باعاناسى 40-43 گرادۋستى كورسەتەدى. ال ءشولدى ايماقتاردا اۋا تەمپەراتۋراسى 45 گرادۋسقا دەيىن كوتەرىلەدى», دەيدى گيدرومەتەورولوگيالىق قىزمەت ورتالىعىنىڭ جەتەكشى مامانى وكسانا كەنجاەۆا.
