«مەملەكەت باسشىسى ءوز جولداۋىندا وڭدەۋشى ونەركاسىپتىڭ ءوسىمىن 2025 جىلعا قاراي 1,5 ەسەگە جەتكىزۋدى تاپسىردى. بۇل نومينالدى ماندە العاندا سالاداعى جىل سايىنعى ءوسىم ورتاشا 10 پايىز بولاتىندىعىن كورسەتەدى. مىندەت «نۇر-وتان» پارتياسىنىڭ سايلاۋالدى تۇعىرناماسىنا دا ەنگىزىلگەن. 2021 جىلعا وڭدەۋ ونەركاسىبىنىڭ ناقتى كولەم يندەكسىنىڭ 2020 جىلعا قاراعاندا 5,8 پايىزعا ءوسىمى جوسپارلانعان. قارا مەتاللۋرگيادا بيىل ناقتى كولەم يندەكسىنىڭ دەڭگەيى 105 پايىز بولىپ بەلگىلەنگەن», دەدى ول.
ونىڭ ايتۋىنشا, بيىل فەرروقورىتپا ءوندىرىسى 10,5, بولات ءوندىرىسى 17 جانە پروكات ءوندىرىسى 19 پايىزعا ارتادى دەپ جوسپارلانعان. مۇندا نەگىزگى مىندەت «ارسەلورميتالل تەمىرتاۋ» مەن «قازحروم» كاسىپورىندارىنا جۇكتەلەدى.
«بيىل ءبىز قاراعاندى, جامبىل, شىعىس قازاقستان وبلىستارى مەن شىمكەنت قالاسىندا قوسىمشا 6 جوبانى ىسكە قوسامىز. بۇل جوبالار فەرروقورىتپالار, قۇرىلىس ارماتۋرالارى, بولات دانەكەرلەنگەن قۇبىرلار جانە باسقا دا مەتالل ونىمدەرى ءوندىرىسىنىڭ كولەمىن ۇلعايتۋعا مۇمكىندىك بەرەدى», دەدى بەيبىت اتامقۇلوۆ.
