ونى قازاقستاننىڭ ارمەنياداعى ەلشىلىگى, ارمەنيانىڭ ەڭبەك جانە الەۋمەتتىك ماسەلەلەر مينيسترلىگى, قازاقستاندىق «ايالاعان الاقان» قوعامدىق قايىرىلىمدىلىق قورى جانە ەرەۆانداعى م. يزميرليان اتىنداعى ەرەكشە قاجەتتىلىكتەرى بار جاندارعا ارنالعان بالالار ءۇيى ۇيىمداستىردى.
كورمەنىڭ اشىلۋ سالتاناتىنا ارمەنيا ەڭبەك جانە الەۋمەتتىك ماسەلەلەر ءمينيسترىنىڭ ءبىرىنشى ورىنباسارى تاتەۆيك ستەپانيان, اتالعان بالالار ءۇيىنىڭ ديرەكتورى تامارا مناتساكانيان, مەملەكەتتىك, قوعامدىق جانە گۋمانيتارلىق ۇيىمداردىڭ باسشىلارى, ەرەۆاندا اككرەديتتەلگەن ديپلوماتيالىق ميسسيالار مەن حالىقارالىق ۇيىمداردىڭ باسشىلارى قاتىستى.
ەلدىڭ ءبىرىنشى حانىمى ءوزىنىڭ قۇتتىقتاۋ سوزىندە ەكى ەلدىڭ بالالارى اراسىندا ءوزارا تۇسىنىستىككە جول اشاتىن وسىنداي باستامالاردىڭ ماڭىزدىلىعى مەن وزەكتىلىگىن اتاپ ءوتتى. قازاقستان ەلشىسى بولات يمانباەۆ كورمەنىڭ ەكىجاقتى مادەني-گۋمانيتارلىق ىنتىماقتاستىقتى دامىتۋ ءۇشىن ەلەۋلى ماڭىزىن اتاپ ءوتتى.
كورمە بارىسىندا قاتىسۋشىلار قازاقستاننىڭ تاۋەلسىزدىك جىلدارىنداعى ساياسي جانە الەۋمەتتىك-ەكونوميكالىق دامۋداعى جەتىستىكتەرىمەن, ەلدە جۇزەگە اسىرىلىپ جاتقان رەفورمالارمەن, ونىڭ ىشىندە بالالار مەن مۇمكىندىگى شەكتەۋلى ادامداردىڭ قۇقىقتارىن قورعاۋ سالاسىنداعىلارىمەن, تانىستى. ءىس-شارا اياسىندا ەلشىلىكتىڭ جانە قر قۇرمەتتى كونسۋلدىعىنىڭ اتىنان م. يزميرليان اتىنداعى بالالار ۇيىنە سپورت جابدىقتارى مەن باسقا دا سىيلىقتار تابىستالدى.
1 ماۋسىمدا ءبىلىم الۋدا ەرەكشە قاجەتتىلىكتەرى بار قازاقستاندىق بالالاردىڭ ەڭبەكتەرى «ەرەۆان – مەنىڭ ماحابباتىم» قايىرىمدىلىق قورىنىڭ كونتسەرتىندە كورسەتىلىپ, قوعام اراسىندا شىنايى قىزىعۋشىلىق تۋدىرعان بولاتىن.
