وقيعا 1 ماۋسىمدا قىزىلوردا قالاسىنا قاراستى تاسبوگەت كەنتىندە بولعان. دارياعا شومىلۋعا بارعان ەكى بالا سۋعا باتىپ كەتكەن. ولاردىڭ ءبىرىنىڭ دەنەسى سول ماڭدا جۇرگەن بالىقشى جاعاعا الىپ شىققان. ول 2008 جىلى دۇنيەگە كەلگەن ءجاسوسپىرىم ەكەنى انىقتالدى.
«ەكىنشى بالانى توتەنشە جاعدايلار دەپارتامەنتى قۇتقارۋشىلارى سول كۇنى ىزدەستىردى. ىزدەۋ ناتيجە بەرگەن جوق. ىزدەستىرۋ شارالارى بۇگىن, 2 ماۋسىمدا جالعاستى. بالانىڭ دەنەسى ساعات 9.04-تە ءوزى سۋعا تۇسكەن جەردەن 100 مەتردەي قاشىقتا سۋ استىنان تابىلدى», دەدى وبلىستىق ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا.
