ەلباسىنىڭ تاپسىرماسىنا سايكەس «قامقورلىق» باستاماسى شەڭبەرىندە ەكى جىل ىشىندە قازاقستاننىڭ 8 وڭىرىندە ءاۋتيزمى جانە باسقا دا مەنتالدى اۋىتقۋلارى بار بالالارعا ارنالعان وڭالتۋ ورتالىقتارىن اشۋ كوزدەلگەن. وندا 18 جاسقا دەيىنگى بالالاردىڭ كۇندىزگى كەزەڭدە بولۋى, ولاردىڭ دامۋى ءۇشىن جاعدايلار جانە وتباسىن قولداۋ قىزمەتى كومەك كورسەتەدى. ورتالىقتاردا دالەلدەنگەن الەمدىك پراكتيكالار نەگىزىندە بالالاردىڭ الەۋمەتتىك بەيىمدەلۋى مەن ومىرلىك داعدىلارىن دامىتۋ ءۇشىن ساباقتار وتكىزىلەتىن بولادى. بۇدان باسقا, بالالاردى مۇگەدەكتىكتىڭ الدىن الۋ ماسەلەسىن شەشۋ ءۇشىن ەلىمىزدىڭ 17 وڭىرىندە پەريناتالدىق ورتالىقتار بازاسىندا ەرتە الدىن الۋ ورتالىقتارى بوي كوتەرەدى.
زەينەتكەرلەرگە قولداۋدىڭ جۇيەلى شارالارىن دامىتۋعا جانە ولاردى قوعامعا بەيىدەۋگە ەرەكشە نازار اۋدارىلدى. «بەلسەندى ۇزاق ءومىر» جاڭا باستاماسى رەسپۋبليكانىڭ بارلىق وڭىرىندە قولدا بار بوس الاڭداردا كوممۋنالدىق وبەكتىلەردىڭ «بەلسەندى ۇزاق ءومىر ءسۇرۋ» ورتالىقتارىن اشۋ جوسپارلانىپ وتىر.
اتالعان ورتالىقتاردا ەمدىك دەنە شىنىقتىرۋ, كومپيۋتەرلىك ساۋاتتىلىق, شاحمات ساباقتارى, وسكەلەڭ ۇرپاقتى, ونىڭ ىشىندە قامقورلىق مەكەمەلەرىندەگى بالالاردى قولداۋعا جانە ۇلتجاندى ەتىپ تاربيەلەۋگە باعىتتالعان الەۋمەتتىك باعدارلامالاردى ىسكە اسىرۋ بارىسى پىسىقتالىپ جاتىر. ايتا كەتۋ كەرەك, ورتالىقتاردا كۇندەلىكتى تاماق قاراستىرىلعانىمەن, ول جەردە تۇرا المايدى.
«ەلباسىنىڭ «قامقورلىق» باستاماسى شەڭبەرىندە جىلىنا 21 مىڭ بالا ءۇشىن وڭالتۋ مەن كاسىبي سۇيەمەلدەۋگە قول جەتكىزۋ ۇيىمداستىرىلدى, بۇل سوڭعى ونجىلدىقتا ەرەكشە قاجەتتىلىكتەرى بار بالالار ءۇشىن ەڭ اۋقىمدى جوبالاردىڭ ءبىرى», دەپ اتاپ ءوتتى «قامقورلىق» باستاماسى قامقورشىلىق كەڭەسىنىڭ توراعاسى ءا.يسەكەشەۆ.
باستامالاردى نۇرسۇلتان نازارباەۆ قورى ۇكىمەتپەن, «سامۇرىق-قازىنا» ۇاق» اق جانە وڭىرلىك اكىمدىكتەرىمەن بىرلەسە ىسكە اسىرىپ وتىر.
ەستەرىڭىزگە سالا كەتەيىك, ەلباسىنىڭ «قامقورلىق» باستاماسى اياسىندا 2020 جىلدىڭ جەلتوقسانىندا جىل سايىن 5 مىڭ بالانى قامتيتىن سەگىز وڭالتۋ ورتالىعى اشىلدى. بيىل باستاما شەڭبەرىندە اقمولا, اقتوبە, الماتى, شىعىس قازاقستان, جامبىل, قىزىلوردا, ماڭعىستاۋ جانە تۇركىستان وبلىستارىندا قوسىمشا 10 ورتالىق قۇرۋ بويىنشا جۇمىستار جۇرگىزىلىپ جاتىر.
