پرەزيدەنت • 01 ماۋسىم، 2021

مەملەكەتتىك قىزمەتتە فاكتورلى-باللدىق شكالا ەنگىزىلەدى

54 رەت كورسەتىلدى

قاسىم-جومارت توقاەۆ مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆانى قابىلدادى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

پرەزيدەنتكە مەملەكەتتىك قىزمەتتى ودان ءارى دامىتۋعا باعىتتالعان كەشەندى شارالاردىڭ جۇزەگە اسىرىلۋى جايىندا جان-جاقتى ەسەپ بەرىلدى.

مەملەكەت باسشىسىنا مەملەكەتتىك قىزمەتشىلەردىڭ سانىن قىسقارتۋعا، فاكتورلى-باللدىق شكالا ەنگىزۋگە قاتىستى جۇمىستاردىڭ بارىسى تۋرالى باياندالدى. اگەنتتىك توراعاسىنىڭ ايتۋىنشا، فبش-عا كوشۋ جونىندەگى پيلوتتىق جوباعا جاسالعان تالداۋ مەملەكەتتىك قىزمەتكە دەگەن قىزىعۋشىلىقتى ارتتىرىپ، كادر تۇراقتىلىعىنا وڭ ديناميكا بەرگەن. اتاپ ايتقاندا، فبش ەنگىزىلگەلى بەرى ءبىر بوس ورىنعا ۇمىتكەرلەر سانى ورتاشا ەسەپپەن 2،6 ەسەگە وسكەن. مەملەكەت باسشىسى فاكتورلى-باللدىق شكالا ەنگىزۋگە فۋنكتسيونالدىق تالداۋ جۇمىستارىن جالعاستىرۋ قاجەت ەكەنىن ايتتى.

سونىمەن قاتار قاسىم-جومارت توقاەۆقا مەملەكەتتىك قىزمەت كورسەتۋدىڭ ساپاسىن باقىلاۋ، مەملەكەتتىك قىزمەتشىلەردىڭ ۇزدىكسىز ءبىلىم الۋ جۇيەسى مەن كەلىسىم-شارت بويىنشا قىزمەتكە الۋ ينستيتۋتىن ەنگىزۋ جۇمىستارى تۋرالى اقپارات بەرىلدى.

كەزدەسۋ بارىسىندا كادرلىق پروتسەستەردى تسيفرلاندىرۋ ماسەلەسىنە ەرەكشە نازار اۋدارىلدى. وسى رەتتە انار جايىلعانوۆا تسيفرلىق شەشىمدەردى جۇزەگە اسىرۋ قاعاز قۇجات اينالىمىنان تولىق ارىلۋعا، كۇندەلىكتى ونبەيتىن جۇمىستاردى 53 پايىزعا ازايتۋعا، قۇجاتتار سانىن 83 پايىزعا تومەندەتۋگە مۇمكىندىك بەرەتىنىن ايتتى. پرەزيدەنت مەملەكەتتىك قىزمەت جۇيەسىن تسيفرلاندىرۋدى ودان ءارى جالعاستىرا بەرۋدىڭ ماڭىزدىلىعىنا توقتالدى.

كەزدەسۋ سوڭىندا مەملەكەت باسشىسى اگەنتتىك توراعاسىنا بىرقاتار ناقتى تاپسىرما بەردى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار