«قالا تۇرعىندارىنىڭ ءومىر ءسۇرۋ جايلىلىعىن ارتتىرۋ ءۇشىن جولداردى سالىپ, جوندەۋ ماڭىزدى. ەلورداداعى كليماتتىق جاعدايعا بايلانىستى اباتتاندىرۋ جانە جول جۇمىستارىن جۇرگىزۋ ماۋسىمى قىسقا. جىلىتۋ ماۋسىمى 7 ايعا دەيىن سوزىلادى. دەگەنمەن قولايلى جاعداي تۋىنداعاننان كەيىن قالادا جولداردى جوندەۋ جانە اۋدانداردى اباتتاندىرۋ بويىنشا اۋقىمدى جۇمىستار جۇرگىزۋ باستالادى.
بيىل 115 كوشەنى سالىپ, جوندەيمىز. وتكەن جىلداعىداي قالانىڭ ەسكى بولىگى مەن ەلدى مەكەندەرگە باسا نازار اۋدارامىز. جۇمىستار قالانىڭ بارلىق اۋداندارىندا جۇرگىزىلىپ جاتىر. بۇگىن بەكتۇروۆ كوشەسىنىڭ ە67 كوشەسىنەن ە22 كوشەسىنە دەيىنگى (ەسىل اۋدانى) ۋچاسكەسىندەگى قۇرىلىس جۇمىستارىنىڭ بارىسىمەن تانىستىم. بۇل – سالىنىپ جاتقان جاڭا اۋدانداردىڭ ءبىرى. جول قۇرىلىسى بىردەن بىرنەشە كوپپاتەرلى تۇرعىن ءۇي كەشەندەرىنىڭ تۇرعىندارىنا قولايلى جاعداي جاساۋعا مۇمكىندىك بەرەدى. مەردىگەرگە جۇمىس قارقىنىن باسەڭدەتپەۋدى تاپسىردىم.
ساپاسىز جوندەلگەن نە سالىنعان جولداردى قابىلدامايمىز. مەردىگەر ءوز ەسەبىنەن قالپىنا كەلتىرەدى, بۇدان باسقا, جۇمىسقا نەمقۇرايلى قارايتىن كومپانيالارمەن كەلىسىمشارتتاردى توقتاتامىز.
وتكەن جىلى 170-تەن استام كوشە جوندەلدى. «جۇمىسپەن قامتۋدىڭ جول كارتاسى" باعدارلاماسى بويىنشا جوندەۋ جۇمىستارىن جۇرگىزۋ سالاسىندا 4 مىڭنان استام جۇمىس ورنى قۇرىلدى», دەپ جازدى ەلوردا اكىمى.
