جەدەل ءىس-شارانىڭ ماقساتى – قارۋدى قولدانۋ ارقىلى جاسالاتىن قىلمىستاردىڭ الدىن الۋ, زاڭسىز اينالىمنان قارۋ مەن وق-دارىلەردى انىقتاۋ جانە تاركىلەۋ, سونداي-اق ازاماتتىق جانە قىزمەتتىك قارۋ اينالىمىنا باقىلاۋدى جۇزەگە اسىرۋ.
جەدەل الدىن الۋ ءىس-شاراسى بارىسىندا پوليتسيا ورگاندارى زاڭسىز اينالىمنان 328 بىرلىكتەن استام اتىس قارۋىن تاركىلەدى. ونىڭ ىشىندە 212 دانا تەگىس ۇڭعىلى قارۋ, 38 دانا گازدى قارۋ, 9 قولدان جاسالعان قارۋ, 27 دانا تراۆماتيكالىق قارۋ, 18 ەلەكترلىك قارۋ الىندى.
قارۋدى زاڭسىز ساقتاعانى جانە الىپ جۇرگەنى ءۇشىن قر قك 287-بابى بويىنشا 134 ماتەريال تىركەلدى.
قارۋدى زاڭسىز ساقتاعانى جانە الىپ جۇرگەنى ءۇشىن 195 ازامات قر اكىمشىلىك قۇقىق بۇزۋشىلىق كودەكسىنىڭ 482-بابى بويىنشا اكىمشىلىك جاۋاپكەرشىلىككە تارتىلدى.
بۇدان باسقا, 994 زاڭدى تۇلعا تەكسەرىلدى. ونىڭ ىشىندە 72 قارۋ-جاراق ساۋداسى بويىنشا مامانداندىرىلعان دۇكەن, 9782 فەرمەرلىك جانە شارۋا قوجالىقتارى جانە 84490 ازاماتتىق قارۋ يەلەرى تەكسەرىلدى.
تەكسەرۋ ناتيجەسىندە 3196 ءتارتىپ بۇزۋشىلىق انىقتالدى. ونىڭ 2404-ءتى قارۋدى ساقتاۋ جانە الىپ ءجۇرۋ ەرەجەلەرى بۇزسا, 792-ءسى قارۋدى تىركەۋ جانە قايتا تىركەۋ ءتارتىبى بۇزعانى ءۇشىن جاۋاپكەرشىلىككە تارتىلدى.
