ونىڭ ايتۋىنشا, بيىل كوكتەمگى دالا جۇمىستارى شتاتتىق رەجيمدە جانە ءتيىمدى مەرزىمدە جۇرگىزىلۋدە. فەرمەرلەر ىلعالدى جابۋ, ەگىس القاپتارىن وڭدەۋ جانە كوكتەمگى جەر جىرتۋ جۇمىستارىن ۋاقتىلى اتقاردى.
«قازىرگى ۋاقىتتا كوكتەمگى دالا جۇمىستارى رەسپۋبليكانىڭ بارلىق وڭىرلەرىندە جۇرگىزىلۋدە. اتاپ ايتقاندا, بۇگىنگى كۇنى جالپى ەگىس الاڭىنان 16,7 ملن گا نەمەسە 88,5% ەگىلدى, بۇل وتكەن جىلدان 1,5 ملن گەكتارعا ارتىق. سونىڭ ىشىندە: ءداندى داقىلدار - 13,1 ملن گا (87,2%), مايلى داقىلدار 2,7 ملن گا (93,6%), 1 ملن گا (92%) باسقا دا داقىلدار سەبىلدى», دەدى ا.ساپاروۆ.
نەگىزگى استىق ەگەتىن وبلىستار مامىر ايىنىڭ ورتاسىنان باستاپ ەگىس ناۋقانىنا كىرىستى, بۇل رەتتە اقتوبە, ماڭعىستاۋ جانە جامبىل وبلىستارىندا ەگىس جۇمىستارى اياقتالدى. الماتى, تۇركىستان جانە قىزىلوردا وبلىستارىندا اياقتالۋ ساتىسىندا.
بيىل 22,8 ملن گەكتارعا اۋىل شارۋاشىلىعى داقىلدارى ەگىلەدى. ەگىس القاپتارىنىڭ قۇرىلىمىن قالىپتاستىرۋ كەزىندە اكىمدىكتەرگە الەۋمەتتىك ماڭىزى بار داقىلداردىڭ ەگىس القاپتارىن كەڭەيتۋگە نازار اۋدارۋ ۇسىنىلعان بولاتىن. بۇل قاتاردا كارتوپ, قاراقۇمىق, قانت قىزىلشاسى, مايلى جانە جەم-ءشوپ داقىلدارى بار.
وبلىس اكىمدىكتەرىنىڭ دەرەكتەرى بويىنشا ەگىن ەگۋ جۇمىستارىن 3 ماۋسىمعا دەيىن اياقتاۋ جوسپارلانىپ وتىر. بيىل كوكتەمگى ەگىن ەگۋ جۇمىستارىنا 128 ملرد تەڭگە قارجى جۇمسالدى.
