وسى ورايدا جايرەم كەنتىنىڭ ء«وندىرىس ەرىكتىلەرى» دەپ اتالاتىن ەرىكتىلەر توبى يگى ىسكە باستاماشى بولىپ, قاراعاندى وبلىستىق ونكولوگيالىق ديسپانسەرىنىڭ پاتسيەنتتەرىنە ارناپ 200 ليتر قىمىز جەتكىزدى.
ء«وندىرىس ەرىكتىلەرى» توبىنىڭ جەتەكشىسى گاۋھار ناۋرىزباەۆا ونكولوگيالىق ناۋقاستاردى قىمىزبەن قامتاماسىز ەتۋ يدەياسىن ۇيىم مۇشەلەرىنىڭ ءبىرى ۇسىنعانىن ايتادى. سويتسە يدەيا اۆتورى وسى اۋرۋحاناعا تۇسكەن ەكەن. سودان دياگنوزى راستالماعان سوڭ, قۋانىشى قوينىنا سىيماي, وسى يگى ءىستى جۇزەگە اسىرۋ تۋرالى ويىن ورتاعا سالىپتى.
– اي سايىن اۋىلدىڭ الەۋمەتتىك تۇرعىدا از قامتىلعان تۇرعىندارىنا كومەكتەسىپ تۇرامىز. جۇمىسىمىز ەكى باعىتتا جۇرەدى. بۇل ماتەريالدىق قولداۋ – ءبىز ونىمدەردى, قاجەتتى زاتتاردى اقشا جيناپ, ساتىپ الامىز. سونىمەن قاتار سەنبىلىككە شىعامىز, شارباقتاردى سىرلاۋعا, اعاشتاردى اكتەۋگە كومەكتەسەمىز. باستاپقىدا ءبىز جايرەم تۇرعىندارىنا عانا كومەكتەسەمىز دەپ ويلاعانبىز. ۋاقىت وتە كەلە قاراجال مەن وسكەمەندەگى از قامتىلعان وتباسىلارعا كومەكتەسۋ مۇمكىندىگى تۋدى. ەندى وبلىس تۇرعىندارىنا دا قول ۇشىن سوزىپ جاتقان جايىمىز بار, – دەيدى گ.ناۋرىزباەۆا.
جايرەم كەنتىندە نەگىزى قالانعان ء«وندىرىس ەرىكتىلەرى» توبىنىڭ قۇرامىنا «قازتسينك» كومپانياسىندا جۇمىس ىستەيتىن 150 ەرىكتى كىرەدى. بۇلاردىڭ بارلىعى دا جەرلەستەرىنىڭ يدەياسىن ءبىر كىسىدەي قولداپ, قىمىزعا قاجەتتى قاراجاتتى تەز ارادا جيناپ بەرگەن. سونىڭ ناتيجەسىندە ديسپانسەردە ەم الىپ جاتقان 180-گە تاياۋ ناۋقاس بال قىمىزدىڭ ءدامىن تاتىپ, بويلارىنا شيپا دارىتتى.
اتالعان ديسپانسەردىڭ باس دارىگەرى مۇراتبەك جۇماقاەۆ جايرەمدىك جانى ىزگى ازاماتتاردىڭ بۇل قايىرىمدى ءىسىن جوعارى باعالاپ, زور العىسىن جەتكىزدى.
– بيە ءسۇتى حيميالىق جانە ساۋلەلىك تەراپيا الاتىن پاتسيەنتتەردىڭ ساۋىعۋىنا ۇلكەن كومەگىن تيگىزەدى. ءبىر عانا ەسكەرتەتىن جايت بار, قىمىزدى وپەراتسيادان كەيىن بىردەن ىشۋگە بولمايدى, – دەيدى م.جۇماقاەۆ.
ء «وندىرىس ەرىكتىلەرى» توبى قايىرىمدىلىق ىستەرىن ءارى قاراي دا جالعاستىرا بەرمەك. مىسالى, ولار الدا كەلە جاتقان 1 ماۋسىم – بالالاردى قورعاۋ كۇنى مەرەكەسىنە تىڭعىلىقتى دايىندالۋ ۇستىندە. ەرىكتىلەر جايرەم كەنتىندەگى مۇگەدەك بالالارعا ارناپ مەرەكەلىك سىيلىقتار تارتۋ ەتپەك.
