بۇل رەتتە ول كورشى ەلدەردىڭ جوعارى وقۋ ورىندارىندا ونلاين نەمەسە سىرتتاي وقىپ العان ديپلوم قازاقستاندا جاراماي قالۋى مۇمكىن ەكەندىگىن قاتاڭ ەسكەرتتى.
«ماگيستراتۋراعا تۇسسەڭىزدەر, وندا كادىمگىدەي كۇندىزگى بولىمىنە بارىپ وقۋ كەرەك. ەگەر باسقا مەملەكەتتەردە كۇندىزگى بولىمگە بارىپ وقىماسا, وندا سۇراق تۋىندايدى. ال قازاقستاننىڭ ۋنيۆەرسيتەتتەرىندە گرانتقا وقىعاندار ءبىر بولەك, وزدەرى تولەپ نەمەسە وقىماي جۇرگەندەر ءبىر بولەك. سوندىقتان بۇل ماسەلەدە اباي بولىڭىزدار. ەرتەڭ الدانىپ قالماڭىزدار. ماگيستراتۋرا دەگەننەن كەيىن ءبارى ماگيستراتۋراعا قۇجات دايىنداپ جاتىر دەگەن حاباردى ەستىپ وتىرمىز. بۇل ماسەلەنى بايقاۋ كەرەك. ەرتەڭ ماگيستراتۋرا ديپلومى جاراماي قالسا, وندا وزدەرىڭىز وتە ىڭعايسىز جاعدايعا ۇرىنىپ قالاسىزدار», دەپ ەسكەرتتى اسحات ايماعامبەتوۆ.
