«بالالارىمىز ءۇشىن جازعى دەمالىس كومپانياسى سانيتاريالىق-ەپيدەميولوگيالىق باقىلاۋ دەپارتامەنتى ۇسىنعان الگوريتمدى جانە بالالاردىڭ جازعى دەمالىسىن, ساۋىقتىرىلۋىن جانە جۇمىسپەن قامتىلۋىن ۇيىمداستىرۋ كەزىندەگى سانيتاريالىق تالاپتاردى ساقتاي وتىرىپ, 1 ماۋسىم مەن 30 ماۋسىم ارالىعىندا وقۋشىلار سارايلارى جانىندا «جازعى دەمالىس اكادەمياسىنىڭ», كوركەم جانە مۋزىكالىق مەكتەپتەردە, تەحنيكالىق شىعارماشىلىق ورتالىقتاردا, ارقا الاڭ, ارت تۇمار ورتالىقتارىندا ۇيىرمەلەر مەن سەكتسيالاردىڭ اشىلۋىمەن باستالادى. بۇل رەتتە تاماقتاندىرۋ ۇيىمداستىرىلمايدى», دەيدى.
جازعى لاگەرلەر 7 ماۋسىمنان 10 تامىز ارالىعىندا وتەدى. وسى ارالىقتا ارقايسىسى 10 كۇننەن 5 ماۋسىمدىق قالا سىرتىنداعى 2 لاگەر اشىلادى. ناقتىراق ايتساق:
- 240 ورىندىق «ARMAN» تۋريستىك-ساۋىقتىرۋ كەشەنى;
- 160 ورىندىق «بوروۆيچوك» ساۋىقتىرۋ لاگەرى.
اتالمىش لاگەرلەر اقمولا وبلىسىندا, قالادان 100 كم قاشىقتىقتا ورنالاسقان.
ەگەر ءوڭىر قىزىل ايماقتا بولعان جاعدايدا لاگەر تولىمدىلىعى 30%-عا دەيىن, سارى ايماقتا 50%-عا دەيىن, ال جاسىل ايماقتا سانى شەكتەۋسىز بولادى.
