25 مامىردا ازەربايجان رەسپۋبليكاسىنىڭ استاناسى – باكۋ قالاسىندا پارادزيۋدودان گران پري ءتۋرنيرى باستالدى. وعان 38 ەلدەن 187 سپورتشى پاراليمپيادا ويىندارىنىڭ جولداماسىن ساراپقا سالىپ جاتىر.
وبلىستىق سپورت جانە دەنە شىنىقتىرۋ باسقارماسى ءباسپاسوز قىزمەتىنىڭ مالىمەتىنشە, اتىراۋلىق پرادزيۋدوشى ءانۋار ساريەۆ قولا جۇلدەنى يەلەنگەن.
ء«انۋار ساريەۆ 60 كەلى سالماقتا ىرىكتەۋ كەزەڭىندە ازەربايجان مەن موڭعوليا بالۋاندارىنان باسىم ءتۇستى. ال, جارتىلاي فينالدا وزبەك بالۋانىنان ۇتىلىپ قالدى. قولا جۇلدە ءۇشىن تالاستا الجير سپورتشىسىن قاپى قالدىردى», دەپ حابارلادى باسقارمانىڭ ءباسپاسوز قىزمەتى.
