بريفينگتە مۇرات ەرگەشباەۆ اۋدان كولەمىندە اتقارىلىپ جاتقان جۇمىستارعا توقتالىپ, قۇرىلىس, جول جوندەۋ, گازداندىرۋ باعىتىنداعى اۋقىمدى جۇمىستار بار ەكەنىن ەرەكشە ايتتى.
بيىل اۋداندىق ماڭىزى بار 50 شاقىرىم جول مەن ەلدى مەكەنىشىلىك 30 كوشەنى جوندەۋگە 3,1 ملرد تەڭگە قارجى ءبولىندى. قازىر اۋدان ورتالىعىنداعى 2 كوشە, اقتان باتىر اۋىلىندا 1 كوشە, ق.ءپىرىموۆ اۋىلىندا 1 كوشەنى اسفالتتاۋ جۇمىستارى اياقتالىپ, قابىلداۋ جۇمىستارى جۇرگىزىلۋدە.
ال ايتەكە بي كەنتىندەگى ابىلقايىر حان جانە س.مۇقانوۆ كوشەلەرى قايتا جاڭعىرتىلىپ, قاراساقال ەرىمبەت بۇرىلىسى, م.مامەتوۆا, ر.باعلانوۆا كوشەلەرى, قازالى قالاسىنداعى 10 كوشەنى اسفالتتاۋ جۇمىستارى قارقىندى جۇرگىزىلۋدە.
بۇگىندە ايتەكە بي كەنتى مەن ع.مۇراتباەۆ اۋىلى «كوگىلدىر وتىنعا» قوسىلعان. ەندى اۋدان ورتالىعىنا جاقىن ءجالاڭتوس باتىر, قاشاقباي ءپىرىموۆ جانە باسىقارا اۋىلدارىن گازداندىرۋ ءۇشىن قارجى ءبولىنىپ, جوباسى ازىرلەنۋدە.
