«بۇل ەندى ايتا ايتا جاۋىر بولعان ماسەلە عوي. دەسە دە, اقپارات جانە قوعامدىق دامۋ مينيسترلىگىنىڭ كەز كەلگەن باعدارلامانى ۇناماسا جاۋىپ تاستايتىن قۇزىرەتى جوق. زاڭ بار. ءسىز ايتىپ وتىرعان باعدارلامالاردىڭ بارلىعى جەكەمەنشىك باق-تاردا جۇرگىزىلىپ جاتىر. بىراق قوعامدا نارازىلىق بولعاننان كەيىن ءبىز ولارمەن سويلەسىپ, ناقتى ۇسىنىستارىمىزدى بەردىك», دەگەن مينيستر مۇنداي باعدارلامالارعا قوعامنىڭ ءبىر بولىگى نارازىلىق تانىتسا دا, تاعى ءبىر بولىگى قىزىعىپ كورەتىنىن ەسكەرتتى.
«بۇگىندە «استارلى اقيقات», «قالاۋلىم» دەگەن باعدارلامالار رەيتينگتىڭ ەڭ باسىندا تۇر ەكەن. ول دەگەنىمىز – سۇرانىس بار. حالىق كورگەننەن كەيىن باق يەسى ول باعدارلامانى ەشقاشان جاپپايدى. سوندىقتان ءبىزدىڭ نەگىزگى ماقسات – مينيسترلىك پەن باق جۇمىلۋىمىز كەرەك. حالىقتىڭ مادەنيەتى مەن تالعامىن كوتەرۋ كەرەك. سول ماسەلەلەر جولعا قويىلسا, حالىق اق پەن قارانى ايىرا بىلسە, سونداي باعدارلامالاردىڭ رەيتينگى تومەندەيدى», دەدى مينيستر.
