«بۇگىن مەكتەپتەردە سوڭعى قوڭىراۋ! 2020 جىلدىڭ كوكتەمىنەن باستاپ مۇعالىمدەر مەن وقۋشىلار قاشىقتان وقۋ فورماتىنا كوشتى. وسى ۋاقىت ىشىندە كوپتەگەن ادامدار ۇيرەنشىكتى وقىتۋ فورماتى - وفلاين رەجيمىن ساعىنىپ ۇلگەردى.
جاڭا وقۋ جىلىندا مەكتەپ وقۋشىلارى مەن مۇعالىمدەر بۇرىنعى وقىتۋ فورماتىنا ورالۋى ءۇشىن ءبارىمىز covid-2019-دان ۇجىمدىق يممۋنيتەتتى قالىپتاستىرۋىمىز كەرەك.
مۇعالىمدەرمەن بىرگە كوروناۆيرۋسقا قارسى ەكپە الدىم. حالىققا ىڭعايلى بولۋ جانە ۆاكتسيناتسيامەن كوبىرەك قامتۋ ءۇشىن قالادا مەديتسينالىق ۇيىمداردا ەگۋ پۋنكتتەرىنىڭ سانى 100-گە دەيىن ارتتى. سونداي-اق ءىرى سوو جانە ت. ب. قوسىمشا ۆاكتسيناتسيا پۋنكتتەرى اشىلدى. كوشپەلى بريگادالار ەڭبەك ۇجىمدارىن ەگەدى», دەپ جازدى ەلوردا اكىمى.
سونىمەن قاتار جاز – ءداستۇرلى دەمالىس ماۋسىمى. ۆاكتسيناتسيا ءوزىڭىزدى دە, اينالاڭىزداعى ادامداردى دا قورعايدى.
«سانيتارلىق نورمالاردى ساقتاۋ جانە ۇجىمدىق يممۋنيتەتتى قالىپتاستىرۋ ارقىلى عانا ءبىز بۇرىنعى ءومىر ىرعاعىنا قايتا ورالامىز: بەتپەردە, كارانتيندىك شەكتەۋلەر مەن قاشىقتان جۇمىس/جاتتىعۋلارسىز. سوڭعى تارماق بويىنشا ءبىلىم ساپاسى ارتادى. دەگەنمەن مۇعالىمدەردىڭ وقۋشىلارىمىزدى وففلاين رەجيمدە وقىتۋى ماڭىزدى!», دەدى التاي كولگىنوۆ.
