تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆتىڭ ايتۋىنشا, 24 مامىرداعى جاعداي بويىنشا Ashyq جۇيەسىنە 1,7 ملن پايدالانۋشى تىركەلگەن. بۇل رەتتە 2 631 «قىزىل» جانە 2 074 «سارى» مارتەبەسى بار قازاقستاندىق انىقتالعان.
– سوڭعى كۇندەرى جۇيەدە بولعان اقاۋلار مەن تەحنيكالىق پروبلەمالار ءۇشىن كوماندامەن بىرگە حالىقتان كەشىرىم سۇراعىم كەلەدى. نەگە بۇلاي بولدى؟ بۇعان دەيىن ايتىپ وتكەنىمدەي, Ashyq جۇيەسى مەملەكەت مەنشىگىنە ءوتتى. ءبىز م ۇلىكتىك قۇقىقتاردى قابىلداپ الدىق. سوندىقتان سوڭعى كۇندەرى تولىق سۇيەمەلدەۋگە كوشۋ جانە «ۇلتتىق اقپاراتتىق تەحنولوگيالار» اق وپەراتورىنا بەيىمدەلۋ پروتسەسى ءجۇردى. ەندى تەحنيكالىق اقاۋلاردى ءبىزدىڭ ۇلتتىق وپەراتور قاداعالايتىن بولادى, – دەدى ۆيتسە-مينيستر.
ياعني بۇدان بىلاي جۇيەنى تەحنيكالىق ماماندار سۇيەمەلدەپ, تولىقتاي باسقارادى. سونىمەن قاتار ءموبيلدى قوسىمشا ۇنەمى جاڭارتىلىپ وتىرماق. 18 مامىردان باستاپ Android پلاتفورماسىندا جاڭا نۇسقاسى ىسكە قوسىلدى. وندا QR-كودتى سكانەرلەمەي-اق مارتەبەنى تەكسەرۋگە مۇمكىندىك بار.
– بوگدە ادامنىڭ جەكە سايكەستەندىرۋ ءنومىرىن (جسن) ەنگىزۋ مۇمكىندىگىن بولدىرماس ءۇشىن Ashyq قوسىمشاسى ءموبيلدى ازاماتتار بازاسىمەن بىرىكتىرىلدى. قازىر سالىستىرۋ جۇرگىزىلۋدە. سونداي-اق ۆاكتسينالاۋ پاسپورتى قىزمەتىمەن دە بىرىكتىرۋ جۇمىسى جالعاسۋدا. ازاماتتار ءبىر قوسىمشاعا تاۋەلدى بولماس ءۇشىن AITU قوسىمشاسىندا بالاما بار. سەرۆيس باسقا دا تانىمال ءموبيلدى قوسىمشالار مەن سايتتاردا قولجەتىمدى بولۋى ءۇشىن ەكىنشى دەڭگەيلى بانكتەرمەن كەلىسسوزدەر جۇرگىزىلۋدە, – دەدى ءا.تۇرىسوۆ.
Ashyq قوسىمشاسى نۇر-سۇلتان جانە الماتى اۋەجايلارىندا جاقسى جۇمىس ىستەپ تۇر. كەزەك جوق, دۇربەلەڭ دە بىلىنبەيدى. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەن «اتامەكەن» ۇلتتىق كاسىپكەرلەر پالاتاسىنىڭ وكىلدەرىنەن قۇرىلعان تەكسەرۋ توبى وسىنداي باعا بەرىپ وتىر.
– جەكسەنبى كۇنى «استانا ارەنادا» فۋتبولدان ەل چەمپيوناتىنىڭ ورتالىق كەزدەسۋى ءوتتى. بۇل – كارانتيننەن كەيىنگى العاشقى اۋقىمدى سپورتتىق شارا. ءبىر ستاديونعا 6 مىڭ ادام جينالدى. ولاردىڭ بارلىعى 2 ساعاتتىڭ ىشىندە قوسىمشا ارقىلى ىشكە ەندى. ءبىر «سارى» مارتەبەسى بار كەلۋشى انىقتالدى. بارلىعى ويداعىداي ءوتتى. ۋاقىت وتە كەلە, وسى تاجىريبەنى باسقا ارەنالاردا دا قولدانا الامىز جانە ءتىپتى كەلۋشىلەر سانىن 30 پايىزعا دەيىن ارتتىرۋعا مۇمكىندىك بار, – دەيدى «اتامەكەن» ۇكپ باسقارما توراعاسىنىڭ ورىنباسارى يۋليا ياكۋپباەۆا.
ونىڭ پىكىرىنشە, باس مەملەكەتتىك دارىگەردىڭ جاڭا قاۋلىسىنداعى تالاپتار ايماقتىق تالاپتارعا سايكەس كەلەدى. سوندىقتان بيزنەسكە Ashyq-پەن جۇمىس ىستەۋ الدەقايدا جەڭىل. قاۋلى شەڭبەرىندە جوباعا كەستە بويىنشا شىمكەنت, تۇركىستان, اقتاۋ, قوستاناي اۋەجايلارى, لوتەرەيا كلۋبتارىنىڭ جۇمىسى ەنگىزىلدى (ولار 2020 جىلعى ناۋرىزدان باستاپ جۇمىس ىستەمەگەن). بۇدان بولەك, بيليارد, بوۋلينگ جانە كومپيۋتەرلىك كلۋبتاردىڭ جۇمىسى تۇنگى ساعات 2-گە دەيىن ۇزارتىلدى.
دەنساۋلىق ساقتاۋ مينيسترلىگى ەلەكتروندىق دەنساۋلىق ساقتاۋدى دامىتۋ دەپارتامەنتىنىڭ ديرەكتورى بەيبىت ەسەنباەۆتىڭ ايتۋىنشا, Ashyq جوباسى ۆيرۋس جۇقتىرعان نەمەسە ناۋقاسپەن بايلانىستا بولعان ادامداردىڭ قوعامدىق ورىندارعا بارۋ مۇمكىندىگىن شەكتەپ, ازاماتتارعا ىندەت جۇقتىرۋدى بارىنشا ازايتا وتىرىپ, شاعىن جانە ورتا بيزنەستىڭ جۇمىسىن قالپىنا كەلتىرۋگە مۇمكىندىك بەردى.
– وتكەن دەمالىس كۇندەرى ەلىمىزدىڭ ەكى اۋەجايىندا پتر ناتيجەسى وڭ (قىزىل) ناتيجەنى كورسەتكەن 14 ادام جانە ناۋقاسپەن بايلانىستا بولعان (سارى) 32 ادام انىقتالدى. جوبا ىسكە قوسىلعان ساتتەن باستاپ (12 ءساۋىر) 2 631 «قىزىل» كەلۋشى جانە 2 074 بايلانىستا بولعان تۇلعا تىركەلدى. ءبىر ناۋقاس 4-6 ادامعا اۋرۋ جۇقتىرۋى مۇمكىن. وسىلايشا, Ashyq جوباسىن ەنگىزۋ 10 مىڭعا دەيىن ادامدى ىندەتتى جۇقتىرۋدان قورعاپ قالدى, – دەيدى ب.ەسەنباەۆ.
ايتپاقشى, 1 شىلدەگە دەيىن Ashyq ءموبيلدى قوسىمشاسىن «ۆاكتسينالاۋ» مودۋلىمەن بىرىكتىرۋ جوسپارلانىپ وتىر. ىندەتكە قارسى ۆاكتسينانىڭ ەكى كومپونەنتىن سالدىرعان ازاماتتار وعان كەدەرگىسىز وتەتىن بولادى.
