كەزدەسۋ بارىسىندا كۇن تارتىبىنە سايكەس قارالعان تاقىرىپتاردىڭ ءبىرى ستۋدەنتتەر مەن وقىتۋشىلاردىڭ قاۋىپسىزدىك ماسەلەلەرى توڭىرەگىندە بولدى.
مينيستر ءبىلىم وردالارىنداعى قۇرال-جابدىقتارعا تۇگەندەۋ جۇرگىزۋ, بەينەكامەرالاردىڭ جەدەل باسقارۋ ورتالىقتارىنا قوسىلۋىن قامتاماسىز ەتۋ, جوعارى وقۋ ورىندارىنا كىرگىزۋ رەجيمىن كۇشەيتۋدى جانە ستۋدەنتتەر اراسىندا وقۋ-جاتتىعۋ ساباقتارىن وتكىزۋدى تاپسىردى.
وسى ورايدا ول جاتاقحانالاردا پىسىقتالۋى ءتيىس قاۋىپسىزدىكتى كۇشەيتۋ شارالارى دا ايتىلدى.
«قازانداعى قايعىلى جاعداي مەكتەپتەر مەن كوللەدجدەردەگى قاۋىپسىزدىكتى كۇشەيتۋ قاجەتتىگىن كورسەتتى. وسىنداي قورقىنىشتى جاعدايلاردىڭ قايتالانۋىنا جول بەرمەۋ ءۇشىن مەكتەپتەرمەن قوسا, ۋنيۆەرسيتەتتەردە دە قاۋىپسىزدىك شارالارىن كۇشەيتۋىمىز كەرەك. ستۋدەنتتەر مەن وقىتۋشىلار توتەنشە جاعدايلاردا ءوزىن قالاي ۇستاۋ كەرەكتىگىن ءبىلۋى ءتيىس. ءبىز قولدا بار جابدىقتاردى تەكسەرىپ, قاجەت بولعان جاعدايدا قوسىمشا جابدىق ورناتۋىمىز كەرەك. قاۋىپسىزدىك شارالارى قولدانىلىپ, وقۋ جاتتىعۋلارى نەعۇرلىم ءجيى وتكىزىلەتىن بولسا, ءبىزدىڭ بالالارىمىزدىڭ دا قاۋىپسىزدىگى سوعۇرلىم ارتا تۇسەدى», دەپ اتاپ ءوتتى مينيستر اسحات ايماعامبەتوۆ.
