يوركشيردەگى ۆيرۋسولوگ ماماندار كوروناۆيرۋستىڭ جاڭا تۇرىنە VUI-21MAY-01 نەمەسە AV.1 دەپ اتالاتىن گەندەردىڭ ەرەكشە كومبيناتسياسى ءتان ەكەنىن ايتتى.
بۇگىندە ەلدە جاڭا شتامدى جۇقتىرعان 49 جاعداي انىقتالعان. ولار نەگىزىنەن يوركشير مەن حامبەردە. بىراق ونىڭ ۆيرۋستىڭ باسقا تۇرلەرىنە قاراعاندا تەز تارايتىنى نەمەسە ۆاكتسينالارعا يممۋنيتەتى تۋرالى ەشقانداي دالەل جوق. انگليانىڭ قوعامدىق دەنساۋلىق ساقتاۋ قىزمەتى قازىرگى ۋاقىتتا جاڭا مۋتاتسيانىڭ تارالۋىن زەرتتەپ جاتىر.
عالىمداردىڭ ايتۋىنشا, ۆيرۋستىڭ تارالۋىن ولشەيتىن R كورسەتكىشى قازىر 0,9-دان 1,1-گە دەيىن كوتەرىلگەن. وتكەن اپتادا ول 0,8 بولعان. ۇلىبريتانيا بيلىگى كوروناۆيرۋس ينفەكتسياسىنىڭ كەز كەلگەن مۋتاتسياسىنىڭ تارالۋىن بولدىرماۋعا كومەكتەسەتىن قاتاڭ شارالار قابىلداۋعا دايىن ەكەنىن مالىمدەدى.
شەففيلدتەگى قوعامدىق دەنساۋلىق ساقتاۋ ديرەكتورى گرەگ فەلل VUI-21MAY-01-ءدى ارىپتەستەرىمەن بىرگە باقىلاپ وتىرعانىن, سونداي-اق شتامنىڭ تارالۋ جىلدامدىعى تۋرالى مالىمەت جوق ەكەنىن ايتتى.
ايتا كەتەيىك, ۇلىبريتانيادا پاندەميا كەزىندە سOVID-19-دىڭ بىرنەشە نۇسقاسى انىقتالعان. B. 1.1.7 دەپ اتالاتىن « ۇلىبريتانيالىق» شتامم بىلتىر تابىلدى. كوروناۆيرۋستىڭ بۇل شتامى بۇرىنعىعا قاراعاندا 64 پايىزعا قاۋىپتى ەكەنى ايتىلعان بولاتىن.
