بۇل تۋرالى اۋداندىق پوليتسيا بولىمىنە 20 مامىردا ساعات 23:40 شاماسىندا حابار تۇسكەن.
ء«بىر توپ ءجاسوسپىرىم قۇلسارى قالاسىنداعى ماحامبەت داڭعىلىندا ورنالاسقان «يرانباق» ءدامحاناسىنىڭ الدىندا ءوزارا داۋلاسىپ, شۋ شىعارعان. وسىعان بايلانىستى جەدەل-تەرگەۋ توبى كورسەتىلگەن ورىننان كامەلەتكە تولماعان جاسوسپىرىمدەردى انىقتاپ, پوليتسيا بولىمشەسىنە جەتكىزدى. ولاردىڭ تۇنگى ۋاقىتتا زاڭدى وكىلدەرىنسىز تۇرعىن ۇيدەن تىس جەردە جۇرگەنى ءۇشىن اتا-انالارىنا قاتىستى اكىمشىلىك حاتتامالار تولتىرىلدى» دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
قازىر جىلىوي اۋداندىق پوليتسيا ءبولىمى اتالعان قىلمىستىق قۇقىق بۇزۋشىلىق دەرەگىن جان-جاقتى, تولىق ءارى وبەكتيۆتى زەرتتەۋ ءۇشىن قىلمىستىق كودەكستىڭ 293-بابىمەن (بۇزاقىلىق) سوتقا دەيىنگى تەرگەۋ جۇرگىزىپ جاتىر.
