نۇرىمبەت ساقتاعانوۆ ءباسپاسوز ءماسليحاتى بارىسىندا سەمەي قالاسىنىڭ اكىمى لاۋازىمىنا كىرىسكەن ۋاقىتتان باستاپ ءتۇرلى سالالاردا كەزدەسكەن نەگىزگى قيىندىقتارعا توقتالدى.
ول جىلۋمەن جابدىقتاۋ, جارىقتاندىرۋ, قوقىس شىعارۋ, اۆتوبۋس مارشرۋتتارى مەن جول ماسەلەلەرىنىڭ شەشىمىن تاۋىپ جاتقانىن جەتكىزدى.
سونداي-اق شاھار تۇرعىندارىنىڭ ورتاشا جالاقى ماسەلەسىنە توقتالىپ, بۇل پروبلەما جاڭا جۇمىس ورىندارىن اشۋ ارقىلى شەشىلەتىنىن اتاپ ءوتتى.
«ازاماتتار ءۇشىن لايىقتى جالاقىسى بار جاڭا جۇمىس ورىندارىن اشۋىمىز كەرەك. البەتتە, سەمەيلىكتەردىڭ ورتاشا جالاقىسىنىڭ وسكەنى ابزال. ەڭبەكاقىسى جوعارى بوس جۇمىس ورىندارى دا از ەمەس. مىسالى, قالادا 30 جاسقا دەيىنگى جاستاردى قىزمەتكە الۋعا دايىن اسكەري بولىمدەر بار. ەگەر اسكەري بيلەت بولسا, جالاقى – 200 مىڭ تەڭگە. سونىمەن قاتار باسقا دا مەملەكەتتىك قولداۋلار جەتەرلىك», دەدى اكىم.
قالا باسشىسى بۇگىنگى تاڭدا سەمەي كاسىپورىندارىندا 700-گە جۋىق بوس جۇمىس ورنى اشىلعانىن ايتتى.
