بۇل تۇرعىدان كەلگەندە ءبىزدىڭ كوسىلە سويلەۋىمىزگە بولادى. ارعى اتا بابالارىمىزدان قالعان اسىل مۇرالار, قازاق حاندىعىنىڭ ىرگەسى قالانعاننان بەرگى جينالعان جاۋھار دۇنيەلەر الەم الدىندا ابىرويىمىزدى بيىكتەتىپ كەلەدى. سولاردى ناسيحاتتاپ, كوككە كوتەرىپ جۇرگەن مادەنيەت سالاسى قىزمەتكەرلەرىنىڭ ەڭبەگى وراسان. ارينە, ونەردى قۇرمەتتەپ, مادەنيەتتى وركەندەتۋ – بارشامىزدىڭ ورتاق ماقساتىمىز. دەسە دە, مۇراجايلار مەن كىتاپحانالاردىڭ, تەاترلار مەن كونتسەرتتىك ۇيىمداردىڭ, حالىق شىعارماشىلىعى جانە مادەنيەت ۇيلەرىنىڭ, قالالىق جانە اۋىلدىق كلۋبتاردىڭ قىزمەتكەرلەرىنىڭ, سونداي-اق اقىندار مەن جازۋشىلاردىڭ ءرولى ەرەكشە. ولار قوعامىمىزداعى رۋحانياتتى دامىتۋعا, يگىلىكتى, ادامگەرشىلىكتى, قايىرىمدىلىق پەن ءوزارا تۇسىنىستىكتى ورىستەتۋگە جول اشىپ, ۇزدىك مادەني داستۇرلەردى ساقتاۋعا ءھام مولايتۋعا ەرەكشە ءمان بەرىپ كەلەدى.
ەلباسى نۇرسۇلتان نازارباەۆ قازاقستان حالقى اسسامبلەياسىنىڭ ءححىى سەسسياسىندا سويلەگەن سوزىندە «قازىرگى زامانعى الەمدە ەلىمىزدىڭ بەرىك مادەني تۇعىرىنسىز ەكونوميكالىق جانە ساياسي تابىستارى بولۋى اقىلعا سىيىمسىز. پلانەتانىڭ 30 لايىقتى ۇلتىنىڭ بىرىنە اينالۋ ءۇشىن, بارىنەن بۇرىن, ءححى عاسىردا ەڭ تانىلعان مادەنيەتتىڭ قاتارىندا بولۋ كەرەك. ءبىز قازاقستاننىڭ الەمدىك «جوعارى مادەنيەت قوعامىنىڭ» ءۇش وندىعى شوعىرىنا ەنۋىن قامتاماسىز ەتۋگە ءتيىسپىز» دەي كەلە, مادەنيەت سالاسى قىزمەتكەرلەرىنە بارلىق جاعداي جاسالۋىن تاپسىرعان بولاتىن. مىنە, سونىڭ ناتيجەسىندە ولاردىڭ ەڭبەكاقىسى 40 پايىزعا ءوستى. ياعني
تەاتر ارتىستەرىنىڭ ورتاشا جالاقىسى 231 مىڭ تەڭگە, ال كىتاپحانا, مۋزەي جانە ارحيۆ قىزمەتكەرلەرىنىڭ ەڭبەكاقىسى 164 مىڭ تەڭگە بولدى. ارينە بۇعان دەيىنگى جالاقىلارىمەن سالىستىرعاندا الدەقايدا جوعارى. بۇگىندە مەملەكەت بارىنشا مادەنيەت سالاسىنا كوڭىل ءبولىپ, اۋىل-ايماقتاردىڭ مادەني ءومىرىنىڭ جاندانۋىنا كۇش سالىپ كەلەدى.
حالقىمىزدىڭ باي مəدەني مۇراسى مەن رۋحانياتىنىڭ دامۋىنا ۇلەس قوسىپ كەلە جاتقان ازاماتتاردىڭ ەڭبەگى باعالاناتىن ەلەۋلى كۇن ەل ءومىرىنىڭ ەڭ ايشىقتى ساتىندەي ىستىق. سەبەبى قالامعا سەرت ەتكەن اقىن-جازۋشىنىڭ, ونەر مەن تاريح تاعىلىمىمەن تانىستىراتىن مۋزەي قىزمەتكەرىنىڭ, ءبىلىم بۇلاعىمەن سۋسىنداتقان كىتاپحاناشىنىڭ, مازمۇندى قويىلىممەن كورەرمەنگە ىزگىلىك ءنəرىن سىيلايتىن تەاتر, كينو جəنە وپەرا ءəرتىسىنىڭ, وڭىرلەردەگى مəدەنيەت وشاقتارىندا قىزمەت ەتىپ جۇرگەن وزگە دە مامانداردىڭ ەڭبەگى ۇمىتىلماق ەمەس.
