بۇگىنگى تاڭدا تسيفرلىق دامۋ مينيسترلىگى قوسىمشادا بولعان اقاۋلاردىڭ سەبەبىن انىقتاپ جاتىر.
وسى ورايدا ۆەدومستۆو وكىلى بيزنەس نىساندارىنا ەركىن كىرۋ ءۇشىن «Ashyq» قوسىمشاسىنا بالاما رەتىندە «Aitu» قوسىمشاسى ۇسىندى. ەگەر تەحنيكالىق جۇمىستار سالدارىنان «Ashyq» قوسىمشاسى قولجەتىمسىز بولسا, وندا «Aitu»-دى پايدالانۋ مۇمكىندىگى بار.
«بىرنەشە اپتا بۇرىن BTS كومپانياسى «Ashyq» قوسىمشاسىن «Aitu»-مەن ينتەگراتسيالاۋدى ۇسىنعان بولاتىن. ءبىز كەلىستىك, سەبەبى مۋلتيپلاتفورمالىق قاعيدانى ۇستانامىز, مىسالى مەملەكەتتىك قىزمەتتەردى بانك قوسىمشالارىنا شىعارىپ ەدىك قوي, سول سياقتى. نەگە «Aitu»؟ بىرىنشىدەن, BTS – مەملەكەتپەن جۇمىس ىستەگەن كومپانيا. ياعني ولار دەرەكتەردىڭ قاۋىپسىزدىگىن قامتاماسىز ەتۋ بويىنشا جاۋاپكەرشىلىك تۋرالى مەموراندۋمعا قول قويعان. ەكىنشىدەن, «Aitu» دا «Ashyq» سياقتى جاي عانا قۇرال, وندا پتر رەسپۋبليكالىق بازاسىنداعى مالىمەتتەر ساقتالمايدى, تەك قانا قاجەتتى اقپاراتتى ءبىر رەتتىك كورسەتىلىم ءۇشىن «تارتادى». «Aitu»-دا «Ashyq» پيلوتتىق تارتىپتە جۇمىس ىستەۋدە, رەسمي تۇردە كەيىنىرەك قوسىلۋى كەرەك ەدى. بىراق فۋنكتسيونالدى سىناقتان وتكىزەتىن كەز كەلگەن سياقتى», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ.
«Aitu»-داعى «Ashyq»-تى قالاي قولدانۋ كەرەك؟ https://i2.app.link/OrbgU0JOdgb سىلتەمەسى ارقىلى ءوتىپ, «Aitu» قوسىمشاسىن جۇكتەپ, «قوسىمشالار» بولىمىندە «Ashyq» ەنگىزىپ, ورناتاسىزدار. «Aitu» قوسىمشاسىندا «Ashyq» فۋنكتسيونالى بۇرىنعى تارتىپتە جۇمىس ىستەيتىن بولادى.
