«بۇگىندە ەڭ ماڭىزدى ماسەلە ول - دونباستاعى جاعداي. ويتكەنى بىزدە سوعىستى توقتاتۋعا قاتىستى بىرنەشە جوسپار بار - ا, ۆ, س - وسى تاقىرىپپەن رەفەرەندۋم وتكىزەمىز. جوسپارلاردىڭ ءبىرى ورىندالۋى مۇمكىن», دەدى زەلەنسكي بەيسەنبىدە وتكەن ءباسپاسوز ءماسليحاتىندا.
8 ساۋىردە پرەزيدەنت ۆلاديمير زەلەنسكي «بۇكىلۋكراينالىق رەفەرەندۋم تۋرالى» زاڭعا قول قويعان. زاڭدا ەل پرەزيدەنتى حالىققا مەملەكەتتىك ماسەلەلەردى ساياساتكەرلەردىڭ قاتىسۋىنسىز دەربەس جانە تىكەلەي شەشۋ قۇقىعىن بەرۋ تۋرالى باستاما كوتەردى.
زاڭعا سايكەس بۇكىلۋكراينالىق رەفەرەندۋم تاقىرىبى ۋكراينا كونستيتۋتسياسىنىڭ I, III, XIII بولىمدەرىنە وزگەرىستەر ەنگىزۋ تۋرالى سۇراقتار; ۇلتتىق ماڭىزى بار ماسەلەلەر; مەملەكەتتىڭ اۋماقتىق تۇتاستىعى ساقتالعان جاعدايدا ۋكراينا اۋماعىن وزگەرتۋ تۋرالى ماسەلە, سونداي-اق ۋكراينا زاڭىنىڭ نەمەسە ونىڭ جەكەلەگەن ەرەجەلەرى كۇشىن جويۋ تۋرالى ماسەلە بولۋى مۇمكىن.
