وقيعا 19 مامىر كۇنى بولعان. ءتارتىپ بۇزعان ادام اۋەجاي عيماراتىنا «Ashyq» جۇيەسى ارقىلى كىرۋدەن باس تارتقان. اۋەجايعا ول جولاۋشىنى كۇتىپ الۋ ءۇشىن كەلگەن.
«ول «Ashyq» ارقىلى تەكسەرۋدەن وتپەستەن عيماراتقا كىرگىسى كەلدى. بىراق ونى اۆياتسيالىق قاۋىپسىزدىك قىزمەتكەرى توقتاتتى. ەر ادام ماسكا تاقپاعان جانە قىزمەتكەرگە قول كوتەرگەن. كەيىن ول قىمبات جول تالعامايتىن كولىگىنە وتىرىپ قاشىپ كەتتى. اۋەجاي قىزمەتكەرلەرى جەلىلىك پوليتسيا بولىمىنە ارىز ءتۇسىردى. كوپ ۇزاماي ءتارتىپ بۇزۋشى تابىلدى», دەدى اۋەجاي ءباسپاسوز قىزمەتىنىڭ وكىلى ءانۋار شالەكەنوۆ.
ەر ادام ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتىلاتىنى ايتىلدى.
اۋەجاي ءباسپاسوز قىزمەتى كۇتىپ الۋشىلارعا, شىعارىپ سالۋشىلارعا جانە بارلىق جولاۋشىعا عيماراتقا كىرۋ تەك «Ashyq» قوسىمشاسى ارقىلى جۇزەگە اسىرىلاتىنىن ەسكەرتتى.
