الەم • 20 مامىر، 2021

گرۋزيا مەن ەۋروپالىق وداق قۇجاتقا قول قويدى

95 رەت كورسەتىلدى

19 ساۋىردە گرۋزيا پرەزيدەنتى سالومە زۋرابيشۆيلي مەن ەۋروپالىق كەڭەس توراعاسى شارل ميشەل ەكىجاقتى كەلىسىمگە قول قويعان-دى. اراعا ءبىر اي سالىپ بۇل قۇجاتتىڭ گرۋزياعا قانداي اسەرى بارى، ەۋروپا كەڭەسى مەن گرۋزيانىڭ اراقاتىناسى تالقىلاندى.

ەگەمەندىگىنە 30 جىل تولعاندا گرۋزيا ەۋروپا وتباسىنا قوسىلۋ نيەتىن ءبىلدىردى. 2004 جىلدان بەرى ەۋروپا وداعى گرۋزيانى شىعىستاعى سەرىكتەسى مارتەبەسىنەن جاقىنداتا تۇسەتىن جوسپارعا قوسىپ كەلەدى. ال سوڭعى ون جىلدا بىرقاتار كەلىسسوز جۇرگىزىلىپ، قۇجاتقا قول قويىلدى. ونىڭ اياسىندا ەركىن ساۋدا جۇيەسى، ەۋروپا وداعىنداعى مەملەكەتتەرگە قىسقا مەرزىمگە ۆيزاسىز كەلۋ مۇمكىندىگى پايدا بولدى. ساراپشىلار مۇنداي ەلەۋلى جەتىستىكتەر كەڭەس وداعى قۇرامىندا بولعان باسقا مەملەكەتتەردىڭ قولىنان كەلمەدى دەگەن وي ايتادى.

2021 جىل گرۋزيا ءۇشىن ساياسي شيە­لەنىسپەن باس­تالدى. ەلدەگى باسقارۋشى بيلىك پەن وپپوزيتسيا اراسىنداعى باسەكە­لەستىك كوپتەگەن ماسەلە تۋدىردى. ەۋروپا وداعى مەن اقش ەلشىلەرىنىڭ اراقاتىناس­تى تۇزەۋ ارەكەتتەرىنە قارا­ماستان، شيەلەنىس ەلدى سايا­سي داعدارىسقا اكەپ تىندى. ونىڭ ۇستىنە، سول ايماقتاعى ازەربايجان مەن ارمەنيا اراسىنداعى قاقتىعىس ەلدەگى دەموكراتيا مەن تۇراقتىلىقتى ساقتاۋ قاجەتتىگىن تۋدىردى. گرۋزيا پرەزيدەنتى ەو-مەن كەلىسسوزدەر جۇرگىزىپ، بۇل جاعدايدى رەتتەۋدىڭ جولى رەتىندە بەلگىلەندى.

«گرۋزيانىڭ باسقارۋشى بيلىگى مەن وپپوزيتسياسى قاتار قول قويعان بۇل كەلىسىم بىرنەشە ونجىلدىقتار بويى جەتكەن جەتىستىكتىڭ زايا كەتپەي، ەلدىڭ ساياسي باعىتىنا وڭ اسەر ەتىپ، داعدارىستى توقتاتادى دەپ سەنەمىز. گرۋزيانىڭ ەۋروپالىق جولىن جەدەلدەتىپ، ديالوگ ارقىلى بىرجاقتى كەلىسىمگە، گرۋزيانىڭ كەلەشەگى ءۇشىن ورتاق نۇكتە تابۋعا مۇم­كىندىك تابۋعا باستايتىن قۇجات بولماق. بۇل ايماقتا ەۋروپالىق رۋح ارقىلى دەموكراتيالىق تۇسىنىكتى قالىپتاستىرۋ جولى دەسەك بولادى. ساياسي داعدارىس اياقتالىپ، سىندارلى ساياسي ديالوگ، بىرلەسۋ جولعا قويىلماق. ءبارىن كەلىسىمگە شاقىرامىز»، دەدى ساياسي كوشباسشىلار.

ساياساتكەرلەر بۇل تەك گرۋزيا ءۇشىن عانا ەمەس ەۋروپا وداعى ءۇشىن دە ءتيىمدى بولادى دەگەن پىكىردە. «ايماق ەۋروپانىڭ قۇندىلىعى، قاۋىپسىزدىگى مەن بىرتۇتاستىعى ءۇشىن ماڭىزدى»، دەيدى شارل ميشەل.

سوڭعى جاڭالىقتار

ۇقساس جاڭالىقتار