تەحنولوگيا • 17 مامىر، 2021

ونلاين ساۋدا جەر شارىن جاۋلايدى

161 رەت كورسەتىلدى

الەم ەلدەرى ساۋدا-ساتتىقتى ينتەرنەت ارقىلى جاساۋدى جىل ساناپ كۇشەيتىپ جاتىر. كوروناۆيرۋس پاندەمياسى قاي قىزمەتتى بولسىن قاشىقتان تۇتىنۋعا ماجبۇرلەپ، IT-يندۋستريانىڭ ويدا جوقتا قارىشتاپ دامىپ كەتۋىنە اسەر ەتتى. 2021 جىلى ونلاين ساتىپ الۋشىلار سانى 2 ملرد-تان اسىپ جىعىلادى دەگەن بولجام بار. بۇل – جەر شارى تۇرعىندارىنىڭ شامامەن 28 پايىزى.

جالپى، ينتەرنەت ارقىلى زات ساتىپ الۋدىڭ پايداسى مەن وڭتايلى تۇسى وراسان. ول جەردەن تاۋارلاردىڭ كەڭ اۋقىمدى اسسورتيمەنتىن قاراپ، ونى قارا بازار مەن وزگە دۇكەندەردەگى تاۋارلار باعاسىمەن سالىستىرۋعا مۇمكىندىك مول. سونداي-اق تولەم جۇيەسى دە كليەنتتەر ءۇشىن بارىنشا قولايلى ەتىلگەن. ءارى قازىر كوپتەگەن ساۋدا جەلىسى جەتكىزىپ بەرۋ قىزمەتىن تەگىن ەتەدى نەمەسە بەلگىلى ءبىر پايىزعا جەڭىلدىك جاسايدى. قىسقاسى، ۇيدە وتىرىپ-اق قالاعان زاتى­ڭىزعا قول جەتكىزە الاسىز. بىر­قاتار ساۋ­دا دۇكەندەرى العان تا­ۋارى­ڭىزعا كەشبەك بەرەدى، جينالعان بونۋسقا تاعى ءبىر تاۋار الۋىڭىزعا دا بولادى. بۇل ءوز كەزەگىندە ەكى تاراپتى دا ىن­تا­لان­دىرىپ، ونلاين ساۋدا­نىڭ دامۋىن جەدەلدەتەدى.

ءدال قازىر الەمدەگى ەڭ تانىمال ينتەرنەت-دۇكەندەر قاتا­­رىندا Amazon.com، eBay.com، Rakuten، Samsung.com، AliExpress.com سياقتى جەلىلەر بار. پاندەمياعا بايلانىستى بۇل دۇكەندەردەگى تۇتىنۋشىلار سانى اينالدىرعان ءبىر جىلدا بىرنەشە ەسە ءوسىپ شىعا كەلدى. 2020 جىلى Amazon.com-داعى ورتاشا ايلىق ترافيك 3،68 ملرد كليەنتتى قۇراعان. ودان كەيىن ايىنا 1،01 ملرد ادامعا قىز­مەت كورسەتكەن eBay.com تۇر. ەل ەكو­نوميكاسىنا مونيتورينگ جا­­سايتىن Ranking جوباسىنىڭ جا­زۋىنشا، قازاقستاندا دا ەلەكتروندى نارىق دەڭگەيى ارتىپ كە­لەدى. بىلتىر ەلەكتروندى نا­رىقتا 1،1 ترلن تەڭگە اينالىپ، جالپى بولشەك ساۋدانىڭ (11،6 ترلن تەڭگە) 9،7 پايىزىن قۇراعان. ينتەرنەت ارقىلى تاۋار ساتىپ الاتىن ازاماتتار سانى 3،8 ملن-عا جەتىپتى. قا­زىر نا­رىقتا شامامەن 650-گە جۋىق ينتەرنەت-دۇكەن جۇمىس ىس­تەي­دى. ءبىزدىڭ ەلدە AliExpress.com مەن Amazon.com ەرەكشە تانىمالدىلىققا يە ەكەن. 2021 جىلدىڭ 1 ساۋىرىندەگى جاعداي بويىنشا قازاقستاندا 51،5 ملن تولەم كارتاسى اينا­لىمدا، سونىڭ 35،8 ملن-ى – حا­لىق­ارالىق تولەم جۇيەلەرىنىڭ كارتاسى. بۇل رەتتە ولار­دىڭ 95،3 پايىزى MasterCard Worldwide مەن Visa International-عا تيەسىلى.

«ەلەكتروندى ساۋدانىڭ دامۋى قولما-قول اقشا اينالىمىن ازايتتى. 2021 جىلدىڭ ءبىرىنشى توقسانىندا ەلەكتروندى تولەم كولەمى 12،7 ترلن تەڭگەنى قۇرادى. 2020 جىلى جالپى سوماسى 35،3 ترلن تەڭگە بولاتىن 2،9 ملرد ەلەكتروندى ترانزاكتسيا جاسالدى. ەلەكتروندى ساۋدانىڭ دامۋى قازاقستاننىڭ ەكونوميكالىق ءوسىم الەۋەتىن ارتتىرۋعا سەبەپ بول­ماق. ەلەكتروندى كوممەر­تسيا ارقىلى حالىقتىڭ تومەن با­عا­داعى تاۋارلارعا قول­جە­تىم­دىلىگى ارتا تۇسەدى. بۇل باعىت كو­­لەڭ­كەلى ساۋدا اينالىمىن قىس­قارتىپ، كاسىپكەرلىكتىڭ دامۋىنا ىقپال ەتەدى. سونىمەن قاتار ەلدە قازاقستاندىق كومپانيا­لار­دى حالىقارالىق ەلەك­ترون­دى پلاتفورمالارعا شى­عارۋ بويىن­شا جۇمىستار جۇر­گىزى­لۋدە. ماسەلەن، 2020 جىلى Alibaba پلات­­فورماسىندا قىز­مەت كور­سە­تە­تىن 50 كومپانيا تاڭ­دالدى» دە­لىنەدى Ranking مالىم­دەمەسىندە.

Amazon، ياندەكس، Ozon، Shopify جاڭا ماركەتپلەيستەرىنە وتاندىق تاۋار وندىرۋشىلەردى شىعارۋ جۇمىستارى بيىل دا جال­عاسپاق. Mastercard-تىڭ جىل سايىن 100 مىڭ ەۋروعا قار­جى­لاندىرۋى بويىن­شا 10-15 كا­سىپكەر ءوز بيزنەسىن ونلاينعا اۋىس­تىرۋ جانە جاڭا نارىقتا ونىڭ اۋقىمىن كەڭەيتۋ بويىنشا وقۋ كۋرسىنان وتەدى. الدىن الا بولجام بويىنشا، 2025 جىلعا تامان ەلدەگى ەلەكتروندى ساۋدا كولەمى 15 پايىزدى قۇراۋى مۇمكىن.

سوڭعى جاڭالىقتار

«مەن قازاقشا سويلەيمىن»

ءبىلىم • بۇگىن، 09:37

كىتاپسىز دا دۇنيە بوس

پىكىر • بۇگىن، 09:33

جاس شەشەندەر سايىسى

وقيعا • بۇگىن، 09:29

ەل ەرتەڭىنە قامقورلىق كۇشەيەدى

باعدارلامالار • بۇگىن، 09:21

جاستارمەن جۇزدەسۋ

وقيعا • بۇگىن، 09:13

اۋىل بالالارىنىڭ ءۇمىتىن ۇكىلەيدى

باعدارلامالار • بۇگىن، 09:05

قانت ءوندىرىسىنىڭ قاۋقارى قانداي؟

ەكونوميكا • بۇگىن، 08:51

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار