سەيمانىڭ دەپۋتاتى ەدمۋنداس پۋپينيسپەن اڭگىمە بارىسىندا ەكىجاقتى جانە حالىقارالىق كۇن تارتىبىندەگى وزەكتى ماسەلەلەر تالقىلاندى.
سۇحباتتاسۋشىلاردىڭ پىكىرىنشە, قازاقستان مەن ليتۆا ورتالىق ازيا مەن بالتىق وڭىرىندەگى ماڭىزدى ساياسي جانە ەكونوميكالىق سەرىكتەس ەلدەر. ەكى ەل اراسىنداعى تاۋار اينالىمى 2020 جىلى «COVID-19» پاندەمياسىنا قاراماستان 482 ملن اقش دوللارىنان استى.
ايگۇل قۇسپاننىڭ ايتۋىنشا, قازاقستان مەن ليتۆا اراسىندا سىندارلى قارىم-قاتىناس پەن ءتۇرلى سالالارداعى ءوزارا ءتيىمدى ىنتىماقتاستىقتى نىعايتۋعا ىقپال ەتەتىن تۇراقتى ساياسي ديالوگ ورنىققان.
ءوز كەزەگىندە ەدمۋنداس پۋپينيس ءماجىلىس دەپۋتاتتارىن الدا كەلە جاتقان قازاقستان تاۋەلسىزدىگىنىڭ 30 جىلدىعىمەن قۇتتىقتاپ, ليتۆا تاراپىنىڭ ءبىزدىڭ ەلمەن سەرىكتەستىك قارىم-قاتىناستاردى ودان ءارى نىعايتۋعا زور قىزىعۋشىلىعىن ءبىلدىردى.
اڭگىمەلەسۋ بارىسىندا تاراپتار قازاقستان مەن ليتۆانىڭ زاڭ شىعارۋشى ورگاندارى اراسىنداعى تۇراقتى قارىم-قاتىناس ەكى جاقتى پارلامەنتارالىق ىنتىماقتاستىقتى جانداندىرۋعا, سونداي-اق حالىقارالىق ۇيىمدار شەڭبەرىندەگى ءوزارا ءىس-قيمىلدى تەرەڭدەتۋگە ىقپال ەتەتىن اتاپ ءوتتى.
