قازاقستان • 17 مامىر، 2021

قازاقستان حالقىنىڭ سانى 19 ميلليونعا جۋىقتادى

32 رەت كورسەتىلدى

2021 جىلعى 1 ساۋىردەگى مالىمەت بويىنشا، قازاقستانداعى حالىق سانى 18 ملن 940 مىڭ 400 ادامدى قۇرادى. بۇل تۋرالى قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى Egemen.kz.

ونىڭ ىشىندە قالا تۇرعىندارى – 11 ملن 204 مىڭ 800 (59،2%)، اۋىل تۇرعىندارى – 7 ملن 735 مىڭ 600 مىڭ ادامدى (40،8%) قۇرايدى. 2020 جىلعى 1 ساۋىرمەن سالىستىرعاندا حالىق سانى 250،2 مىڭعا نەمەسە 1،3% ارتتى.

2021 جىلعى قاڭتار-ناۋرىز ايلارىندا رەسپۋبليكا حالقىنىڭ تابيعي ءوسىمى 2020 جىلعى قاڭتار-ناۋرىز ايلارىمەن سالىستىرعاندا (61،5 مىڭ ادام) 4،6% ءوسىپ، 64،3 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا - 13،73 ادام.

بيىلعى قاڭتار-ناۋرىز ايلارىندا ەلىمىزدە 36،1 مىڭ ادام قايتىس بولدى. بۇل 2020 جىلعى قاڭتار-ناۋرىز ايلارىنا (31،2 مىڭ ادام) قاراعاندا 15،8% كوپ. ءولىم-ءجىتىمنىڭ جالپى كوەففيتسيەنتى 1000 ادامعا شاققاندا 7،71 ادام.

قاڭتار-ناۋرىز ارالىعىندا 1 جاسقا دەيىن شەتىنەگەن 815 نارەستە تىركەلىپ، 2020 جىلعى ءتيىستى كەزەڭمەن سالىستىرعاندا (796 شەتىنەگەن نارەستە) 2،4% ارتتى. نارەستە ءولىم-ءجىتىمىنىڭ كوەففيتسيەنتى 1000 تۋعاندارعا شاققاندا 8،11 وقيعانى قۇرادى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار