«ۇستىنە قىزىل ۆەلومايكا كيىپ, قىزعىلت ۆەلوسيپەد تەپكەن جىگىتتى جولىقتىرساڭدار ول – ليۋك. ليۋك ءۇش دوڭگەلەكتى تاندەم (ەكى ادام مىنەتىن ۆەلومسيپەد) ۇلىبريتانيانىڭ بريتول قالاسىنان قىتاي استاناسى بەيجىڭگە ساپارلاپ بارادى. بۇل ساپاردى «3 دوڭگەلەك. 30 مەملەكەت. 30 000 شاقىرىم. 300 000 فۋنت ستەرلينگ» دەپ قىسقاشا سيپاتتاۋعا بولادى», دەلىنگەن حابارلامادا.
4 جىل بۇرىن ليۋك سىرقاتتانىپ, وعان سيرەك ءارى اۋىر ساركوما ءتۇرى (سۇيەكتىڭ قاتەرلى ىسىگى) دەگەن دياگنوز قويىلعان. بريستولدەن بەيجىڭگە دەيىنگى ساپار – ونىڭ راكپەن اۋىرعان ادامداردى تولىققاندى ءارى قىزىقتى ءومىر سۇرۋگە جىگەرلەندىرۋ امالى جانە ءوزىنىڭ ارمانىن ورىنداۋ.
«قازىر ليۋك اقتاۋ قالاسىنا كەلىپ جەتتى, ءبىز وعان قازاقستان ۆيزاسىن راسىمدەۋگە كومەكتەستىك, ال سەرگەي كولگانوۆ ونىمەن تاندەم ۆەليكتى بىرگە تەپتى. تاياۋدا ساياحاتشى وزبەكستانعا اتتانادى, سوسىن قازاقستانعا قايتا ورالىپ, شىمكەنت, تاراز, الماتى جانە باسقا دا قالالارعا سوعىپ وتەدى», دەلىنگەن جازبادا. ⠀
قازاقستاندىقتار ليۋكتىڭ Instagram-داعى اككاۋنتىنا قولداۋ بىلدىرگەن كوپتەگەن جازبا قالدىرعان. مىنا سايتتا ۆەلوكەزبەنىڭ قاي جەردە كەتىپ بارا جاتقان ترەكينگىن كورۋگە بولادى.
