سولتۇستىك قازاقستاندىق پوليتسەيلەر «Hi-tech» جەدەل-پروفيلاكتيكالىق ءىس-شاراسى رەجيمىندە جۇمىس ىستەپ جاتىر. ونىڭ ماقساتى – قازىرگى كەزدە قىلمىستىڭ جىلدام تاراپ كەلە جاتقان ءتۇرى ينتەرنەت-الاياقتىققا قارسى كۇرەسۋ.
ءىس-شارا شەڭبەرىندەگى كۇشەيتىلگەن جۇمىس ناتيجەگە قول جەتكىزۋگە مۇمكىندىك بەردى. مىسالى, الماتى قالاسىنا ىسساپارعا جىبەرىلگەن پەتروپاۆل قالاسى پب كريمينالدىق پوليتسيا ءبولىمىنىڭ قىزمەتكەرلەرى وڭتۇستىك استانانىڭ 27 جاستاعى تۇرعىنىن ۇستاعان. ول وبلىس ورتالىعىنىڭ تۇرعىندارىنا قاتىستى كيبەرالاياقتىقتىڭ ءۇش ەپيزودى بويىنشا كۇدىككە ءىلىندى.
جاس جىگىت ينتەرنەتكە گۇل ساتۋ جانە ونى جەتكىزۋ تۋرالى حابارلاندىرۋ ورنالاستىرعان, 10-12 مىڭ تەڭگە الدىن الا تولەم جاساۋدى تالاپ ەتىپ, العان سوڭ بايلانىستى ۇزگەن. اتالعان فاكتىلەر قر قىلمىستىق كودەكسىنىڭ 190-بابى 2-ب. (الاياقتىق) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
تەرگەۋ ارەكەتتەرىن جۇرگىزۋ ءۇشىن الماتىلىق پەتروپاۆلعا جەتكىزىلدى. ۇستالعان جىگىتتىڭ ۇقساس قىلمىستارعا قاتىسى بارى تەكسەرىلىپ جاتىر.
«ونلاين-ساۋدا جاساۋ سالاسى – ينتەرنەت الاياقتاردىڭ العاش بولىپ يگەرگەن ىستەرىنىڭ ءبىرى. پوليتسيا قىزمەتكەرلەرىنىڭ تۇراقتى جۇرگىزگەن ءتۇسىندىرۋ جۇمىسى ارقاسىندا سولتۇستىكقازاقستاندىقتاردىڭ كوبى جاھاندىق جەلىدە ساۋدا جاساۋ كەزىندە وزدەرىن قالاي ۇستاۋ كەرەكتىگىن ءبىلدى. دەگەنمەن, الدىن الا تولەمدى تالاپ ەتۋ الداۋ كەڭ تاراعان ستسەناريلەرىنىڭ ءبىرى بولىپ قالا بەرەدى. الداۋ تۇرلەرى جەتكىلىكتى, ەڭ باستىسى, قانداي جاعداي بولماسىن ەشكىمگە جەكە دەرەكتەر مەن قۇپيا مالىمەتتەر: بانك كارتالارىنىڭ ءنومىرى مەن cvv-كودىن, sms ارقىلى كەلەتىن قول جەتكىزۋ كودىنىڭ قۇپيا سوزدەرىن جىبەرمەۋ قاجەتتىگىن ەستەن شىعارماعان ءجون», دەيدى سقو پد كريمينالدىق پوليتسيا باسقارماسىنىڭ باستىعى پيوتر كليموۆ.
وپەراتسيا باستالعاننان بەرى پوليتسەيلەر كيبەرالاياقتىق جاساعان جەتى كۇدىكتىنى انىقتادى.
