ايماقتار • 15 مامىر، 2021

شىمكەنتتە ەگدە جاستاعىلارعا قالادا جۇرۋگە تىيىم سالىندى

25 رەت كورسەتىلدى

شىمكەنت قالاسىنىڭ باس مەملەكەتتىك سانيتار دارىگەرى ءابدىماناپ تولەباەۆ كارانتين رەجيمىن ۇزارتۋ تۋرالى جاڭا قاۋلى قابىلدادى، دەپ حابارلايدى Egemen.kz

«شىمكەنت قالاسىندا كارانتين رەجيمىن جانە كوروناۆيرۋس ينفەكتسياسىنىڭ تارالۋىنىڭ الدىن الۋ جونىندەگى شەكتەۋ شارالارى 2021 جىلدىڭ 16 مامىرىنان باستاپ ەپيدەميالىق جاعداي تۇراقتالعانشا ۇزارتىلسىن. شىمكەنت قالاسىنىڭ تۇرعىندارىنا جانە قوناقتارىنا ادام كوپ جينالاتىن ءىس-شارالاردى (ەسكە الۋ، تۋعان كۇندەر، مەرەي تويلار، شىعارىپ سالۋ، قۇدالىق، توي، بەتاشار جانە باسقا) وتكىزۋگە تىيىم سالىنسىن»، دەپ جازىلعان جاڭا قاۋلىدا.

سونىمەن بىرگە، 65 جاستان اسقان ادامداردىڭ قالادا ءجۇرۋى شەكتەلەدى.

قوعامدىق ورىندارعا (ونىڭ ىشىندە قوعامدىق كولىكتە) جانە قىزمەتىنە رۇقسات ەتىلگەن نىساندارعا بارعاندا، اشىق اۋادا ورنالاسقان قوعامدىق ورىنداردا (5 جاسقا دەيىنگى بالالاردى جانە اشىق اۋادا سپورتپەن شۇعىلدانۋدى قوسپاعاندا) بەتپەردە كيۋ، الەۋمەتتىك قاشىقتىقتى ساقتاۋ جانە انتيسەپتيكتەردى پايدالانۋ تالاپتارى قاتاڭ ساقتالادى.

باس سانيتارلىق دارىگەر قالانىڭ اكىمى، مەملەكەتتىك ورگاندار، زاڭدى تۇلعالار جانە كاسىپكەرلىك سۋبەكتىلەرگە كارانتين كەزەڭىندە مىنا شارالاردى قامتاماسىز ەتۋدى تاپسىردى.

«شىمكەنت قالاسىندا الەۋمەتتىك-ەكونوميكالىق وبەكتىلەر قىزمەتىنە رۇقسات بەرۋ جانە شەكتەۋ وسى قاۋلىنىڭ 1 قوسىمشاسىنا سايكەس ىسكە اسىرىلسىن. ساۋدا ورتالىقتارىندا، ازىق-ت ۇلىك جانە ازىق-ت ۇلىك ەمەس دۇكەندەردە، حالىققا قىزمەت كورسەتۋ سالاسىنداعى نىسانداردا جانە حالىق كوپ جينالاتىن ورىنداردا كۇندەلىكتى دەزينفەكتسيالىق ءىس-شارالار جۇرگىزىلسىن. سپورتشىلار مەن جاتتىقتىرۋشىلار قۇرامى COVID-19-عا قارسى ۆاكتسينالاۋدىڭ تولىق كۋرسىن العان جاعدايدا قالالىق كوماندالاردى دايىنداۋ ءۇشىن وقۋ-جاتتىعۋ جيىندارىن قايتا باستاۋعا رۇقسات بەرىلسىن»، دەلىنگەن قاۋلىدا.

ساياجايلار، سكۆەرلەر، جاعالاۋلار جانە شىمكەنت قالاسىنداعى اۆتوۆوكزالدار مەن اۆتوستانتسيالار جۇمىسى قالىپتى رەجيمدە جۇرگىزىلەدى.

قاۋلىنىڭ تولىق ءماتىنىن شىمكەنت قالاسى سانيتارلىق-ەپيدەميالىق باقىلاۋ دەپارتامەنتىنىڭ سايتىنان وقۋعا بولادى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار