قوعام • 12 مامىر، 2021

كارىم ءماسىموۆ تەرروريزمگە قارسى ورتالىقتىڭ كەزەكتەن تىس وتىرىسىن وتكىزدى

744 رەت كورسەتىلدى

مەملەكەت باسشىسىنىڭ تاپسىرماسى بويىنشا 12 مامىردا نۇر-سۇلتان قالاسىندا ۇقك توراعاسى كارىم ءماسىموۆ قازاقستان رەسپۋبليكاسى تەرروريزمگە قارسى ورتالىعىنىڭ كەزەكتەن تىس وتىرىسىن وتكىزدى، دەپ حابارلايدى Egemen.kz.

ءىس-شارا بارىسىندا رەسەي فەدەراتسياسىنىڭ قازان قالاسىنداعى № 175 مەكتەپ-گيمنازياسىندا جاقىندا ورىن العان قايعىلى وقيعانىڭ ءمان-جايى قارالدى.

قازاقستان رەسپۋبليكاسىنداعى ءبىلىم بەرۋ مەكەمەلەرىنىڭ اعىمداعى قاۋىپسىزدىك جاي-كۇيى جانە وقۋشى جاستاردىڭ راديكالدانۋىنا جول بەرمەۋ بويىنشا قابىلدانىپ جاتقان شارالار تالقىلاندى.

ءبىلىم بەرۋ جۇيەسى وبەكتىلەرىن كىرۋدى باقىلاۋ مەن دابىل بەلگىسىن بەرۋدىڭ ءتيىستى تەحنيكالىق قۇرالدارىمەن نىعايتۋ بويىنشا شەشىمدەر ازىرلەندى.

جاستار ورتاسىندا زورلىق-زومبىلىق اكتسيالارىن ناسيحاتتاۋ جانە ونى دايىنداۋ بەلگىلەرىن انىقتاۋ مانىنە الەۋمەتتىك جەلىلەر مەن ينتەرنەتتى مونيتورينگتەۋ تيىمدىلىگىن ارتتىرۋ جولدارى ايقىندالدى.

بالالار مەن جاسوسپىرىمدەر اراسىندا قۇقىق بۇزۋشىلىقتاردىڭ الدىن الۋ، سونداي-اق ولارعا ۋاقتىلى پسيحولوگيالىق كومەك كورسەتۋ شارالارى جەتىلدىرىلدى.

تقو وتىرىسىنىڭ ناتيجەلەرى بويىنشا ءتيىستى حاتتاماعا قول قويىلدى.

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ايمانوۆتىڭ مۋرالى اشىلدى

ايماقتار • بۇگىن، 08:41

ۇقساس جاڭالىقتار