فۋتبول • 12 مامىر، 2021

«قايساردىڭ» باس باپكەرى اۋىسپايتىن بولدى

26 رەت كورسەتىلدى

ەل بىرىنشىلىگىن ءساتسىز باستاعان «قايسار» فۋتبول كلۋبى 10 تۋردا 6 ۇپاي عانا ەنشىلەپ، 13-ءشى ورىندا تۇر. وسىعان بايلانىستى الەۋمەتتىك جەلىلەردە كوماندا باسشىلىعىنىڭ قىزمەتىنەن كەتەتىندىگى جونىندە اقپارات تارادى، دەپ حابارلايدى Egemen.kz.

بۇگىن وڭىرلىك كوممۋنيكاتسيالار قىزمەتىندە سالا ماماندارى ساتسىزدىكتىڭ سەبەپتەرىن ءتۇسىندىرىپ، باس باپكەر قىزمەتىندە قالاتىندىعىن مالىمدەدى.

ء«بىز باسقارما تاراپىنان كلۋب باسشىلىعى جانە ويىنشىلارمەن ءجيى كەزدەسۋ وتكىزىپ تۇرامىز. كوماندا ماۋسىمدى ءساتسىز وتكىزىپ جاتىر. جەڭىسكە جەتۋ ءۇشىن كوپ دايىندىق كەرەك. ءبىر-ءبىرىن، الاڭدى ءتۇسىنۋ قاجەت. وسى باعىتتا جۇمىس جاسالادى. بيىل جەرگىلىكتى ويىنشىلاردىڭ تاجىريبەسىن جەتىلدىرۋ كوڭىل ءبولىپ وتىرمىز»،-دەدى وبلىستىق دەنە شىنىقتىرۋ جانە سپورت باسقارماسىنىڭ باسشىسى جاقسىلىق وسپانوۆ.

مامانداردىڭ ايتۋىنشا وتكەن جىلعى قۇرامنىڭ تەك 20 پايىزى قالعانى دا كوماندا ويىنىنا اسەر ەتۋدە. سونداي-اق ءۇمىت ارتقان تالانتتى ويىنشىلار دا  جاراقاتتان ەندى ايىعىپ كەلەدى.

«كوروناۆيرۋستىق ينفەكتسياعا بايلانىستى شەكتەۋلەر شەت ەلدەن كوزدەگەن ويىنشىلارىمىزدى ساتىپ الۋ قيىندىق تۋدىردى. الداعى ويىنداردان كوماندامىز ۇپاي ەنشىلەيدى دەگەن سەنىم بار. ەندى كلۋبىمىزدان ناتيجەلى ماتچتار كۇتەمىز. كەلەسى ترانسفەردە «قايسار» ساپىنا 2-3 پوزيتسيادا تاجىربيەلى ويىنشىلاردى تارتۋدى جوسپارلاپ وتىرمىز، دەدى وبلىستىق فۋتبول فەدەراتسياسىنىڭ ۆيتسە-پرەزيدەنتى بولات كوشەرباەۆ.

ايتا كەتەيىك، «قايسار» فۋتبول كلۋبى 14 مامىر كۇنى اقتوبەدە جەرگىلىكتى «اقتوبەمەن» كەزدەسەدى. بۇگىن سىر اياقدوپشىلارى ماتچقا تىڭعىلىقتى دايىندىق جۇمىستارىن جۇرگىزۋدە.

 

 

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ايمانوۆتىڭ مۋرالى اشىلدى

ايماقتار • بۇگىن، 08:41

ۇقساس جاڭالىقتار