تاعايىنداۋ • 12 مامىر، 2021

مارات سۇلتانعازيەۆ قارجى ۆيتسە-ءمينيسترى بولىپ تاعايىندالدى

1239 رەت كورسەتىلدى

ۇكىمەتتىڭ قاۋلىسىمەن مارات ەلەۋسىز ۇلى سۇلتانعازيەۆ قارجى ۆيتسە-ءمينيسترى قىزمەتىنە تاعايىندالدى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

مارات سۇلتانعازيەۆ 1976 جىلى الماتى وبلىسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن، قازاق مەملەكەتتىك زاڭ اكادەمياسىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان. ماماندىعى بويىنشا — ەكونوميست-قارجىگەر، زاڭگەر، ىسكەرلىك اكىمشىلەندىرۋ ماگيسترى.

ەڭبەك جولىن 1997 جىلى سالىق ءبولىمىنىڭ زاڭدى تۇلعالاردى تەكسەرۋ ءبولىمىنىڭ ءبىرىنشى ساناتتى مامانى بولىپ باستاعان.

1998-2001 جىلدارى الماتى قالاسى بويىنشا سالىق كوميتەتىنىڭ سالىق ينسپەكتورى، اعا سالىق ينسپەكتورى، جەتەكشى سالىق ينسپەكتورى، باس مامان – باس سالىق ينسپەكتورىنىڭ م. ا. بولىپ جۇمىس ىستەگەن.

2001-2010 جىلدارى الماتى قالاسى بويىنشا سالىق كوميتەتىندە جۇمىسىن جالعاستىرعان، الماتى قالاسى بويىنشا سالىق دەپارتامەنتى باسشىسىنىڭ ورىنباسارى بولىپ جۇمىس ىستەگەن.

2010-2012 جىلدارى قر قارجى مينيسترلىگىندە باسشىلىق قىزمەتتەردى اتقارعان.

2012-2014 جىلدارى — قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ سەكتور مەڭگەرۋشىسى.

2014-2017 جىلدارى — قر قارجى مينيسترلىگى مەملەكەتتىك كىرىستەر كوميتەتىنىڭ الماتى قالاسى بويىنشا مەملەكەتتىك كىرىستەر دەپارتامەنتىنىڭ باسشىسى. 2017 جىلعى ماۋسىمنان 2018 جىلعى قازانعا دەيىن قر پرەزيدەنتى اكىمشىلىگىنىڭ الەۋمەتتىك–ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى قىزمەتىن اتقاردى.

2018 جىلعى قازاننان باستاپ قازىرگە دەيىن قر قارجى مينيسترلىگى مەملەكەتتىك كىرىستەر كوميتەتىنىڭ توراعاسى بولىپ جۇمىس ىستەدى.

سوڭعى جاڭالىقتار

ۇقساس جاڭالىقتار