11 مامىر كۇنى جەرگىلىكتى تۇرعىن قالا اۋماعىنداعى اۋىلداردىڭ بىرىندە قوي باعىپ جۇرگەن كەزىندە گراناتاعا ۇقساس زاتتى تاۋىپ العان. «ول وسى جاعدايدى شىمكەنت قالالىق پوليتسيا دەپارتامەنتى ەڭبەكشى اۋدانى پب-نىڭ كەزەكشى بولىمىنە حابارلادى. اتالعان حابارلاما بويىنشا پوليتسيا قىزمەتكەرلەرى شاقىرتۋ بولعان جەرگە شۇعىل باردى. تەكسەرۋ بارىسىندا ءتارتىپ ساقشىلارى قارا ءتۇستى گراناتانى انىقتاپ, قورشاۋعا الىپ, زالالسىزداندىردى», دەلىنگەن حابارلامادا.
شىمكەنت قالاسىنىڭ پد جارىلعىش زاتتى تاپقان كەزدە ودان الىس تۇرىپ, قاۋىپ تۋرالى اينالاداعى ازاماتتارعا ەسكەرتىپ, دەرەۋ پوليتسياعا حابارلاۋعا كەڭەس بەرەدى.
