«كونستيتۋتسيالىق كەڭەس پرەزيدەنت قاسىم-جومارت توقاەۆتىڭ 2021 جىلعى 8 ساۋىردە پارلامەنت قابىلداعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ كونستيتۋتسياعا سايكەستىگىن قاراۋ تۋرالى ءوتىنىشىن ىس جۇرگىزۋگە قابىلدادى», دەلىنگەن رەسمي حابارلامادا.
كونستيتۋتسيالىق كەڭەس وتىرىسىنا ماتەريالداردى دايىنداۋ جۇمىسى باستالدى.
كونستيتۋتسيالىق كەڭەستە قۇقىق قورعاۋ, عىلىم جانە وزگە دە ۇيىمدار مەن ماسەلەلەرگە ماماندانعان تۇلعالار ءوز قورىتىندىلارىن gulmira@ksrk.gov.kz ەلەكتروندى پوشتاسىنا جىبەرە الاتىنى ايتىلدى.
كونستيتۋتسيالىق كەڭەس - بۇل قازاقستانداعى كونستيتۋتسيالىق باقىلاۋدىڭ ۇجىمدىق ورگانى. ول 7 مۇشەدەن تۇرادى. كونستيتۋتسيالىق كەڭەستىڭ توراعاسى مەن ەكى مۇشەسىن پرەزيدەنت, ال ەكى مۇشەسىن تيىسىنشە سەنات پەن ءماجىلىس 6 جىل مەرزىمگە تاعايىندايدى. نۇرسۇلتان نازارباەۆ - كونستيتۋتسيالىق كەڭەستىڭ تۇراقتى مۇشەسى. قازىرگى توراعا - قايرات ءمامي.
