«مۇنداي قايعىلى جاعدايلار مۇحيتتىڭ ار جاعىندا عانا, قارۋ-جاراققا ليبەرالدى كوزقاراس قالىپتاسقان جەرلەردە بولاتىن سياقتى. بىراق جاعداي قارۋ-جاراق اينالىمى جانە ءبىلىم بەرۋ نىساندارىنىڭ (اۋماقتارىنىڭ) قاۋىپسىزدىگى تۋرالى ەرەجەلەر وتە قاتاڭ كورشى رەسەي فەدەراتسياسىندا بولدى, بۇل ءبىزدىڭ مەكتەپتەر مەن مەكتەپكە دەيىنگى مەكەمەلەردىڭ تەرروريزمگە قارسى قاۋىپسىزدىگى تۋرالى زاڭناماداعى تالاپتارعا نازار اۋدارۋعا ءماجبۇر ەتەتى», دەدى دەپۋتات پرەمەر-مينيستر اسقار مامينگە.
ول ۇكىمەت 2015 جىلعى 3 ساۋىردە «تەرروريستىك تۇرعىدان وسال نىسانداردىڭ تەرروريزمگە قارسى قورعالۋ جۇيەسىنە قويىلاتىن تالاپتاردى بەكىتۋ تۋرالى» قاۋلى قابىلداعانىن ەسكە سالدى, وعان ءبىلىم بەرۋ ۇيىمدارى مەن وعان جاتاتىن اشىق اۋماقتار ەنگىزىلگەن.
ايتۋىنشا, اتالعان قاۋلى بويىنشا سىيىمدىلىعى ءۇش مىڭ وقۋشىعا دەيىنگى ءبىلىم بەرۋ نىساندارى مىندەتتى تۇردە تەلەۆيزيالىق بەينەباقىلاۋ جۇيەسىمەن جابدىقتالادى. ال سىيىمدىلىعى ءۇش مىڭنان استام ادام بولاتىن ءبىلىم بەرۋ نىساندارى ۇشىن بەينەباقىلاۋدان باسقا كۇزەت سيگناليزاتسيا قۇرالدارى, كىرگەن ادامدى باقىلاۋ, باسقارۋ جانە حاباردار ەتۋ جۇيەلەرى مىندەتتى تۇردە بولۋى كەرەك.
«بۇل قاۋلىعا باستاماشى بولعانداردىڭ پىكىرىنشە, قاۋىپسىزدىك شارالارى وسىمەن جەتكىلىكتى مە؟ مەكتەپتەردەگى كۇزەت فۋنكتسيالارىن كوبىنەسە زەينەت جاسىنداعى ۆاحتەرلەر ورىندايدى, كەيدە عيماراتقا كەدەرگىسىز كىرۋ ءۇشىن ولارمەن سىپايى, سەنىمدى سويلەسۋ جەتكىلىكتى. نيەتى ز ۇلىم ادام كەلسە, قارت كۇزەتشىنىڭ الدىندا قانداي قارسىلىق سەزىنەدى؟
وسىعان ۇقساس ماسەلەلەر وتە كوپ. نەلىكتەن بۇگىندە مەملەكەتتىك ورگانداردىڭ كوپتەگەن عيماراتى اسكەريلەندىرىلگەن كۇزەتپەن جانە بەس مەترلىك قورشاۋمەن, اگرەسسيۆتى ادامداردىڭ كەز كەلگەن شابۋىلىنا توتەپ بەرە الاتىن قورعان سياقتى, ال مەكتەپتەر, مەكتەپكە دەيىنگى مەكەمەلەر مەن ولاردىڭ اۋماعى جۇرە بەرەتىن اۋلا سياقتى؟ بىزدىڭ مەكتەپتەردە تەرروريزمگە قارسى وقۋ-جاتتىعۋلار قانشالىقتى ءجيى وتەدى؟» دەپ سۇرادى ليننيك.
ءماجىلىس دەپۋتاتتارى وقۋشىلاردىڭ سىيىمدىلىعىنا قاراماستان, ءبىلىم بەرۋ نىساندارىنىڭ تەرروريزمگە قارسى قورعالۋ جۇيەسىنە قويىلاتىن تالاپتاردى جاراقتاندىرۋ ارقىلى قايتا قاراۋدى تالاپ ەتتى:
دابىل حابارلامالارىن بەرۋ جۇيەلەرى;
بەينەباقىلاۋ جانە دابىل جۇيەلەرى;
كۇزەت بەكەتتەرى مەن ارنايى وقىتىلعان جبق قىزمەتكەرلەرى;
باقىلاۋ-وتكىزۋ پۋنكتتەرى;
مەتالل دەتەكتورلارىن قوسۋ.
سونداي-اق, ولار قوعامدىق ورىنداردى كۇزەتەتىن كۇزەتشىلەرگە قارۋ ۇستاۋعا رۇقسات بەرۋدى جانە ولارعا م ۇلىكتىك كەشەندى عانا ەمەس, ادامداردىڭ قاۋىپسىزدىگىن دە قورعاۋ مىندەتىن جۇكتەۋدى; مەكتەپ پسيحولوگتارى مەن ۋچاسكەلىك ينسپەكتورلاردىڭ جۇمىسىن كۇشەيتۋدى; اتىس قارۋىن الىپ جۇرۋگە, ساقتاۋعا رۇقسات بەرۋدى باقىلاۋدى كۇشەيتۋدى, ليتسەنزيا بەرۋ جاسىن 18-دەن 24 جاسقا دەيىن ءوسىرۋدى, قارۋ-جاراق ليتسەنزياسىن الۋ كەزىندە پسيحيكالىق دەنساۋلىق پەن ەسىرتكىگە تاۋەلدىلىكتى تەكسەرۋ ءۇشىن باقىلاۋدى كۇشەيتىپ, قاتاڭدىعىن جانە جاۋاپكەرشىلىگىن ارتتىرۋدى سۇرادى.
ەسكە سالايىق, 11 مامىردا قازانداعى № 175 مەكتەپتە اتىس بولعان ەدى. ونى ءوزىن «قۇداي» دەپ اتاعان 19 جاستاعى يلناز گالياۆيەۆ شىعارعان. اتىس سالدارىنان توعىز ادام قازا تاپتى, ونىڭ ىشىندە, جەتى وقۋشى مەن ەكى مۇعالىم. اتىس شىعارعان جىگىت ۇستالدى.
