ايماقتار • 12 مامىر، 2021

iKOMEK-كە جىل باسىنان بەرى 870 مىڭنان استام ءوتىنىش تۇسكەن

5 رەت كورسەتىلدى

iKOMEK ورتالىعىنا جىل باسىنان بەرى 870 مىڭنان استام ەلوردا تۇرعىنى حابارلاسىپ، ءتۇرلى سالادا قىزمەت الدى، دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.

iKOMEK – تولىقتاي تسيفرلاندىرىلعان جانە 1000-نان استام قالالىق قىزمەتپەن جۇمىسىن بىرىزگە تۇسىرگەن سەرۆيس. iKOMEك قىزمەتىن جىل سايىن ەلوردانىڭ 600 مىڭنان استام تۇرعىنى پايدالانادى. ورتالىق جۇمىس ىستەگەلى بەرى التى ميلليونعا جۋىق ءوتىنىش قابىلدادى، ال 2021 جىلدىڭ باسىنان بەرى 870 مىڭنان استام ءوتىنىش اتقارىلدى.

«بۇل ءبىزدىڭ قالا تۇرعىندارىنىڭ ءوتىنىشى مىندەتتى تۇردە جەتەر جەرىنە جەتەتىن، سونداي-اق اكىمدىك باسقارمالارى، اۋداندىق اكىمدىكتەر مەن كوممۋنالدىق قىزمەتتەر ءۇشىن دە  ىڭعايلى سەرۆيس ۇسىنىپ وتىرعانىمىزدى بىلدىرەدى. سەبەبى ەندى ولار ءوز جۇمىسىن تۇرعىندارمەن ءوزارا بايلانىس نەگىزىندە جوسپارلاي الادى. سول سياقتى تۇرعىندار ەلوردا دامۋىنا بەلسەنە اتسالىسۋدا. بۇل قالانىڭ تىرشىلىگىنە بەي-جەي قارامايتىندارىن كورسەتەدى»، دەيدى  iKOMEK قالالىق ورتالىعىنىڭ باسشىسى جاننات ءدۇبىروۆا.

iKOMEK قالالىق ورتالىعىندا بارلىق وپەراتور امبەباپ مامان رەتىندە وقىتىلعان. وتىنىشتەردىڭ ەلەۋلى ۇلەسىن وپەراتور سويلەسۋ بارىسىندا ۇدايى جاڭارىپ وتىراتىن اۋقىمدى ءبىلىم بازاسىنىڭ ارقاسىندا شەشىپ وتىرادى. بازادا مەملەكەتتىك باسقارمالار مەن قالانىڭ كوممۋنالدىق قىزمەتتەرىنىڭ جۇمىسى تۋرالى اقپارات، ياعني انىقتامالىق مالىمەت، كوممۋنالدىق قىزمەتتەردىڭ جوسپارلانعان جانە پروفيلاكتيكالىق جۇمىستارى تۋرالى مالىمەتتەر ساقتالادى. بۇل مالىمەتتەر سونىمەن قاتار ءوتىنىش بەرۋدىڭ تسيفرلىق تاسىلدەرىن پايدالاناتىندار ءۇشىن دە قولجەتىمدى. ءبارى – ونلاين رەجيمدە قولجەتىمدى.

سونىمەن قاتار iKOMEK-ءتىڭ امبەباپ وپەراتورلارى وتىنىشتەردى تىركەپ، ونىڭ اتقارىلۋىن باقىلاۋ ءۇشىن الەۋمەتتىك جەلىلەرگە (ينستاگرام، فەيسبۋك) مونيتورينگ جۇرگىزەدى. وسىدان كەيىن تۇرعىنعا جۇمىس ناتيجەسى تۋرالى حابارلانادى.

الايدا iKOMEK-ءتىڭ جۇمىسى مۇنىمەن اياقتالمايدى. قازىرگى ۋاقىتتا ورتالىققا قالانىڭ بۇكىل اۋماعىندا، ونىڭ ىشىندە بالاباقشالاردا، مەكتەپتەردە، ەمحانالار مەن ت.ب. ورىنداردا ورنالاسقان 16 مىڭنان استام بەينەباقىلاۋ كامەراسى ينتەگراتسيالانعان. قاۋىپسىزدىكتى قامتاماسىز ەتۋ ماقساتىندا iKOMEK ورتالىعىنىڭ وزىندە نۇر-سۇلتان قالاسى پوليتسيا دەپارتامەنتىنىڭ قىزمەتكەرلەرى وتىر. بەينەباقىلاۋ كامەرالارى ارقىلى وپەراتور قۇقىقبۇزۋشىلىقتاردى انىقتاپ، كۇش قۇرىلىمدارىنا قىلمىستاردىڭ بەتىن اشۋعا كومەكتەسەدى.

سول سياقتى قار كۇرەلمەۋ، جاۋىن-شاشىن كەزدەرىندە سۋ باسۋ، اشىق قالعان قۇدىقتار، زاڭسىز قوقىس ءۇيۋ، ناجىستەردىڭ اعۋى جانە تكش سالاسىنداعى باسقا دا وقىس وقيعالاردى انىقتايدى.

ياعني، iKOMEK ءوتىنىشتىڭ قاشان كەلىپ تۇسەتىنىن كۇتپەيدى، بەينەباقىلاۋ كامەرالارىن پايدالانىپ، الدىن الا ارەكەت ەتەدى. 2020 جىلى iKOMEK بەينەباقىلاۋ وپەراتورلارى 17 000-نان استام ينتسيدەنتتى انىقتادى.
 
ەستەرىڭىزگە سالا كەتەيىك، iKOMEK109 بىرىڭعاي بايلانىس ورتالىعىنا 109 قىسقا ءنومىرى (قالالىق جانە ءموبيلدى تەلەفونداردان تەگىن)، سونداي-اق بالاما قۇرالدار ارقىلى جۇگىنۋگە بولادى:
 
- اكىمدىكتىڭ رەسمي سايتى astana.gov.kz;
- iKOMEK109 ءموبيلدى قوسىمشاسى (PlayMarket/AppStore);
- Telegram چات-بوتى (t.me/nursultanikomek109_bot);
- Smart Astana ءموبيلدى قوسىمشاسى (PlayMarket/AppStore);
- ەلەكتروندىق پوشتا.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار