ايماقتار • 12 مامىر، 2021

ء​​بىز فەرمەرلەرگە سۋارمالى سۋدى ارنالاردان تىكەلەي بەرۋگە دايىنبىز – ەكولوگيا مينيسترلىگى

15 رەت كورسەتىلدى

قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ الماتى وبلىسىنا جۇمىس ساپارى بارىسىندا بارتوعاي سۋ قويماسىنىڭ جۇمىسىمەن تانىسىپ، سۋارمالى سۋدىڭ جاڭا ءتاريفىن تالقىلاۋ ءۇشىن جەرگىلىكتى فەرمەرلەرمەن كەزدەستى، دەپ حابارلايدى Egemen.kz.

ەستەرىڭىزگە سالا كەتەيىك، بيىلعى جىلدىڭ 1 مامىرىنان باستاپ ەلىمىزدە سۋارمالى سۋدى بەرۋ ءتاريفى 0،421 تەڭگە/م3-دەن 0،739 تەڭگە/م3-گە دەيىن (قوسىمشا قۇن سالىعىمەن) ءوستى.

شارۋا قوجالىقتارى كانالداردان سۋ الۋ ءۇشىن اۋىل شارۋاشىلىعى تۇتىنۋ كووپەراتيۆتەرىنە بىرىگەدى.

«د.قوناەۆ اتىنداعى ۇاك» فيليالى» 13 اوك سۋىن جىبەرەدى جانە بەرىلگەن سۋدىڭ 1 م3 ءۇشىن ەسەپ ايىرىسۋ جۇرگىزىلەدى، ودان كەيىن اوك 1،5 مىڭ شارۋا قوجالىقتارىنا ىشكى شارۋاشىلىق كانالدارى بويىنشا سۋ جەتكىزەدى جانە 1 گەكتار ءۇشىن اقى الادى. ەگەر ءتاريفتىڭ ۇلعايۋىنا دەيىن اوك-دەن 1 گا ءۇشىن باعا 10 مىڭنان 15 مىڭ تەڭگەگە دەيىن وزگەرەتىن بولسا، قازىرگى ۋاقىتتا كەيبىر اوك بويىنشا ءتاريفتىڭ ۇلعايۋىنا سىلتەمە جاساي وتىرىپ، ءبىر گەكتار ءۇشىن باعا 27 مىڭنان 35 مىڭ تەڭگەگە دەيىنگى كورسەتكىشتى قۇرادى. ارينە، بۇل اوك-دەن سۋ الاتىن اۋىل شارۋاشىلىعى تاۋارىن وندىرۋشىلەر ءۇشىن قىمباتقا تۇسەدى»، دەپ اتاپ ءوتتى فيليال ديرەكتورى سەرىكال مۇقاتاەۆ.

ءمينيستردىڭ ايتۋىنشا، اوك ارنالاردى جۇمىس جاعدايىندا ۇستاۋعا قاراجات سالۋى ءتيىس.

«سۋاراتىن سۋعا تاريفتەردى كوتەرۋ – بۇل ءماجبۇرلى شارا. تاريفتەردىڭ دەڭگەيى «قازسۋشار» رمك-نىڭ ماگيسترالدى ارنالاردى ۇستاۋعا ارنالعان شىعىستارىن وتەمەدى. ولاردىڭ جاعدايى ناشار بولعاندىقتان تەحنيكالىق شىعىندارعا بايلانىستى سۋ فەرمەرلەرگە جەتپەيدى. بۇل ماڭىزدى ماسەلەلەردى شەشۋ قاجەت»، دەپ اتاپ ءوتتى ماعزۇم مىرزاعاليەۆ.

ۆەدومستۆو باسشىسى سونداي-اق سۋ ۇنەمدەۋ تەحنولوگيالارىنا كوشۋ ماڭىزدى ەكەنىن، بۇل ونىمدىلىكتى ارتتىرۋعا ىقپال ەتەتىنىن اتاپ ءوتتى.

ء«بىز قوسىمشا شىعىنداردان قۇتىلۋ ءۇشىن شارۋالارعا تىكەلەي سۋ بەرۋگە دايىنبىز. بۇل رەتتە قازسۋشار سۋ شارۋاشىلىعى وبەكتىلەرىن ۇستاۋعا جۇمسالاتىن شىعىنداردى ءوز موينىنا الادى. اوك-گە قويىلاتىن باستى تالاپ – تاريفتەردى كوتەرمەۋ جانە شارۋاشىلىقارالىق جەلىلەردى جوندەۋگە، ارنالاردى تازالاۋعا قاراجات سالۋ. وسىلايشا، فەرمەرلەر ءوز قاراجاتىنىڭ قايدا جۇمسالىپ جاتقانىن بىلەتىن بولادى»، دەدى مينيستر.

ماعزۇم مىرزاعاليەۆ بارتوعاي سۋ قويماسىنىڭ گيدروتەحنيكالىق قۇرىلىستارىن قاراپ شىعىپ، «قوناەۆ اتىنداعى ۇاك» فيليالىنا ايماقتارداعى اۋىل شارۋاشىلىعى تاۋار وندىرۋشىلەرىن سۋارمالى سۋمەن ۇزدىكسىز جانە ۇتىمدى قامتاماسىز ەتۋ بويىنشا ناقتى مىندەتتەر قويدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار