امەريكا مەن ەۋروپانى قوسا العاندا, بارلىق ايماقتا اۋرۋدىڭ تومەندەۋى بايقالعانىنا قاراماستان, جالپى كورسەتكىش ۇلعايعان. ۇيىمنىڭ ايتۋىنشا, قاۋىپ ءالى سەيىلگەن جوق. ءار وڭىردە ينفەكتسيا دەڭگەيى ءالى دە جوعارىلاپ جاتقان جەكەلەگەن ايماقتار بار.
ءۇندىستاننىڭ بۋكسار قالاسىنداعى گانگ وزەنىنەن COVID-19-دان قايتىس بولعان ادامداردىڭ كەم دەگەندە وتىز ءمايىتى تابىلدى.
وكرۋگ اكىمشىلىگى كوز جۇمعان ادامداردىڭ دەنەسى كورشى مەملەكەتتەن سۋمەن اعىپ كەلگەن بولۋى مۇمكىن دەپ مالىمدەدى. الايدا جەرگىلىكتى حالىق جاعالاۋدا ورنالاسقان اۋىل تۇرعىندارى كرەماتسيا مەن جەرلەۋ ءراسىمىنىڭ قىمبات بولۋىنا بايلانىستى قايتىس بولعان ادامداردىڭ دەنەلەرىن وزەنگە امالسىزدان لاقتىرادى دەپ سانايدى.
ءۇندىستان كوروناۆيرۋس ينفەكتسياسىن جۇقتىرۋدىڭ جاڭا جاعدايلارىنىڭ تىركەلۋى بويىنشا الەمدە ەكىنشى ورىندا. ەلدە ۆيرۋس جۇقتىرعاندار سانى 22,2 ميلليوننان استى.
ۇلىبريتانيادا ۇزاق مەرزىمدىك قاتاڭ شەكتەۋلەردەن كەيىن 17 مامىردان باستاپ قوعامدىق ورىندار مەن پابتاردا, كافەلەر مەن مەيرامحانالاردا كەزدەسۋلەرگە رۇقسات ەتىلەدى. بۇل ءتورت كەزەڭدىك كارانتيندىك شەكتەۋلەرىن جەڭىلدەتۋدىڭ ءۇشىنشى ساتىسى. بيلىكتىڭ ايتۋىنشا, جاپپاي ۆاكتسينالاۋدىڭ ارقاسىندا ەلدەگى ەپيدەميولوگيالىق جاعداي ايتارلىقتاي جاقساردى.
