تاعايىنداۋ • 11 مامىر، 2021

الماتى قالالىق موبيلدىلىك باسقارماسىنا جاڭا باسشى تاعايىندالدى

13 رەت كورسەتىلدى

عاني مىرزاحانوۆ الماتى قالالىق موبيلدىلىك باسقارما باسشىسى بولىپ تاعايىندالدى، دەپ حابارلايدى Egemen.kz.

ەندى ول جولداردىڭ جاعدايى مەن جولاۋشىلار كولىگى جۇمىسىنا جاۋاپ بەرەدى. بۇل تۋرالى ءماسليحات سەسسياسىندا قالا اكىمى باقىتجان ساعىنتاەۆ ءمالىم ەتتى.

«بۇگىنگە دەيىن قالالىق موبيلدىلىك باسقارماسى باسشىسى لاۋازىمى بوس بولدى. بۇل قىزمەتكە بۇگىن عاني اۋەزحان ۇلى مىرزاحانوۆتى تاعايىندادىم. ول – جول جۇيەسىنىڭ مامانى»، دەدى الماتى اكىمى باقىتجان ساعىنتاەۆ.

جاڭا قىزمەتكە تاعايىندالعانعا دەيىن عاني مىرزاحانوۆ 2016 جىلدان باستاپ «الماتى تازالىق» كاسىپورنىنىڭ باسشىسى بولدى.

ال 2008 جىلدان باستاپ جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى قىزمەتىن اتقاردى. بۇعان دەيىن الماتى اكىمى باقىتجان ساعىنتاەۆ سەرىك قۇسايىنوۆتى ءوزىنىڭ ورىنباسارى ەتىپ تاعايىنداعان بولاتىن. سونىمەن قاتار ەرجان سەيتەنوۆ المالى اۋدانىنىڭ اكىمى بولدى.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار