ءبىلىم • 07 مامىر، 2021

ءوزىن ءوزى تانۋ – دەنساۋلىققا اپارار جول!

117 رەت كورسەتىلدى

ءدال وسىنداي تاقىرىپپپەن ZOOM پلاتفورماسىندا رەسپۋبليكالىق سەمينار ءوتتى. وعان «بوبەك» ۇلتتىق عىلىمي-پراكتيكالىق، ءبىلىم بەرۋ جانە ساۋىقتىرۋ ورتالىعىنىڭ قىزمەتكەرلەرى، عالىمدار مەن ۇستازدار جانە وسى سالادا ەڭبەك ەتىپ جۇرگەن باسقا دا ماماندار قاتىستى.

ايتۋلى جيىندا ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم بەرۋ كوميتەتىنىڭ ءتورايىمى مايرا مەلدەبەكوۆا، «بوبەك» ورتالىعىنىڭ باس ديرەكتورى ەلەنا ساكەنوۆا، قازاقستاننىڭ ەڭبەك سىڭىرگەن قىزمەتكەرى، ۇعا اكادەميگى، قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ، ء«اۇدۇي» كەاق پرەزيدەنتىنىڭ مىندەتىن اتقراۋشى يرينا كالاچەۆا جانە ء«وزىن-ءوزى تانۋ» وقۋ-ساۋىقتىرۋ كەشەنىنىڭ ديرەكتورى ماقپال ادەنوۆا سويلەدى.

ەلەنا ساكەنوۆا ءوزىن-ءوزى تانۋ ەرتە جاستان باستالىپ، ءومىر بويى جالعاساتىن ۇزدىكسىز ىزدەنىس ەكەنىن ايتتى. ءار بالاعا باعا جەتپەس قازىنا – ءبىلىم بەرۋگە دەگەن شى­نايى ىقىلاس ء«وزىن ءوزى تانۋ» باع­دارلاماسىن جۇزەگە اسىرۋعا ىقپال ەتتى. ويتكەنى ادام ءوزىن، ءوز مۇمكىندىكتەرىن بىلمەيىنشە تاعدىردىڭ قولىندا ويىنشىق بولادى. سونداي-اق، بالالىق شاقتى قولداۋ ماقساتىندا سارا نازارباەۆا 1992 جىلى «بوبەك» قايىرىمدىلىق قورىن قۇردى، ونىڭ قىزمەتى از قامتىلعان جانە كوپ بالالى وتباسىلارعا، جەتىم بالالارعا قولداۋ كورسەتۋگە با­عىت­تالعانى ايتىلدى.

ء«وزىن-ءوزى تانۋ» وقۋ-ساۋىق­تىرۋ كەشەنى ەلىمىزدىڭ بارلىق وڭىرىنەن كەلگەن بالالاردى ساۋىقتىرۋ، فيزيكالىق جانە رۋحاني دەنساۋلىعىن قولداۋ جانە ساقتاۋ بويىنشا مەملەكەتتىك باعدارلامانى جۇزەگە اسىراتىنى تۋرالى ماقپال ادەنوۆا ايتىپ بەردى. 22 كۇنگە سوزىلاتىن ساۋىقتىرۋ اۋىسىمدارى 110 بالانى قامتيدى، ءبىر جىل ىشىندە 1 320 بالا ساۋىقتىرىلادى. 1997 جىلدان باستاپ «بوبەك» ۇعپببسو-دا 40 مىڭ بالا ءوز دەنساۋلىعىن نىعايتتى.

سەمينار بارىسىندا فيلولوگيا عىلىمدارىنىڭ كانديداتى، ماسكەۋ قالاسىنداعى وڭالتۋ جانە ءبىلىم بەرۋ ورتالىعىنىڭ ديرەكتورى س.ۆويتاس، س.اسفەن­دياروۆ اتىنداعى قازۇمۋ قو­عامدىق دەنساۋلىق كافە­درا­سى­نىڭ پروفەسسورى ق.توعىز­باە­ۆا، جوعارى ساناتتى بالالار نەۆرولوگى، بالالاردى وڭالتۋ ۇلتتىق ورتالىعىنىڭ ديرەكتورى ش.بۇلەكباەۆا، «بالداۋرەن رەسپۋبليكالىق وقۋ-ساۋىقتىرۋ ورتالىعى» رمقك باس ديرەكتورى س.الىباەۆ، «ايكۋنە» قازاق گيم­ناستيكاسىنىڭ اۆتورى، ونەرتاپقىش، حالىق مەدي­تسيناسىنىڭ ماگيسترى ا.بايما­عامبەتوۆ جانە تاعى باسقا ماماندار ءوز باياندامالارىن ورتاعا سالدى.

 

الماتى

 

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ەكىدىڭ ماڭىنداعى ەسكەرتكىشتەر

ايماقتار • بۇگىن، 08:22

كۇي – قازاقتىڭ قازىناسى

رۋحانيات • بۇگىن، 08:19

ۇقساس جاڭالىقتار