جوبانى 12 مامىردان باستاپ تولىققاندى ىسكە قوسۋ جوسپارلانىپ وتىر. ءموبيلدى قوسىمشانى قر دەنساۋلىق ساقتاۋ مينيسترلىگىنىڭ جالپى بازاسىمەن ينتەگراتسيالاۋ ارقىلى جولاۋشىنىڭ قازىرگى ۋاقىتتا ۆيرۋستىڭ تاسىمالداۋشىسى ما, جوق پا دەگەن مارتەبەسى ايقىندالادى. ياعني جولاۋشىلار مەن اۋە كومپانيالارى مەن اۋەجاي قىزمەتكەرلەرىنىڭ قاۋىپسىزدىگى ءۇشىن قابىلدانىپ جاتقان سانيتاريالىق شارالارعا (ماسكا, تەرمومەتريا, جەلدەتۋ جانە ت.ب.) قوسىمشا باقىلاۋ قامتاماسىز ەتىلەدى. تەرمومەتريا (دەنە قىزۋىن قاشىقتان ولشەۋ) Covid-19 بەلگىلەرىنىڭ ءبىرىن انىقتاۋعا كومەكتەسەدى (دەنە تەمپەراتۋراسىنىڭ جوعارىلاۋى), ال Ashyq قوسىمشاسى جولاۋشىلار مەن قىزمەتكەرلەرگە قوسىمشا قاۋىپسىزدىك كەپىلى بولماق. وسىعان بايلانىستى, بارلىق جولاۋشىلاردان اۋەجايعا كەلگەنگە دەيىن الدىن الا قوسىمشانى جۇكتەپ الىپ, ءوز مارتەبەسىن تەكسەرۋ سۇرالادى.
تەرمينال عيماراتىنا سارى جانە قىزىل مارتەبەلى جولاۋشىلارعا كىرۋگە رۇقسات بەرىلمەيدى. رەيسكە جىبەرىلمەگەن جاعدايدا, قاراجاتتى قايتارۋ بويىنشا سۇراقتاردى اۋە كومپانيالارى قاراستىرادى.
ەستەرىڭىزگە سالا كەتەيىك, 17 قاڭتاردان باستاپ قازاقستان رەسپۋبليكاسىنىڭ تسيفرلىق دامۋ, يننوۆاتسيا جانە اەروعارىش ونەركاسىبى مينيسترلىگى جانە قر دەنساۋلىق ساقتاۋ مينيسترلىگى تاپسىرىس بەرگەن Ashyq ءموبيلدى قوسىمشاسى شاعىن جانە ورتا بيزنەستىڭ جەكە نىساندارىنا قولجەتىمدىلىكتى قامتاماسىز ەتتى.
