ايماقتار • 06 مامىر، 2021

ەلورداداعى ەمحانادا پسيحولوگيالىق ترەنينگتەر ۇيىمداستىرۋ ورتالىعى اشىلدى

2 رەت كورسەتىلدى

№14 قالالىق ەمحانادا رەسۋرستىق ورتالىق نەگىزىندە اتا-انالار ءۇشىن پسيحولوگيالىق ترەنينگتەر ۇيىمداستىرۋ ورتالىعى جانە بوسانۋعا دايىندىق مەكتەبى اشىلدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

رەسۋرستىق ورتالىقتىڭ مىندەتتەرى – ءسابيدى 6 ايىنان باستاپ قوسىمشا تاماقتاندىرۋ جولدارىنا دۇرىس ۇيرەتۋ، سونداي-اق «باقىتتى وتباسى» باعدارلاماسىنا سايكەس سانالى اتا-انا ۇعىمىن قالىپتاستىرۋ ماقساتىندا اتا-انالار ءۇشىن پسيحولوگيالىق ترەنينگتەر ۇيىمداستىرۋ.

«بوسانۋعا دايىندىق مەكتەبى» قىزمەتىنىڭ نەگىزگى باعىتتارى: جۇكتى ايەلدەردى بوسانۋ تەحنيكاسىنا وقىتۋ، اكەلەرى مەن جاقىندارىن بالا تۋعا جانە بوسانۋعا پسيحولوگيالىق تۇرعىدا دايىنداۋ، انا بولۋدى ۇيرەتۋ، جۇكتىلىك كەزىندە ايەل اعزاسىنىڭ اناتومياسى مەن فيزيولوگياسى بويىنشا تانىمدىق ترەنينگ وتكىزۋ.

«مۇنداي كابينەتتەر سالاۋاتتى قوعامنىڭ نەگىزى رەتىندە «سانالى اتا-انا» قاعيداتىن ۇيرەتۋگە جاردەمدەسەدى. وسىنداي كابينەتتەردىڭ بىزدە اشىلعانىنا قۋانىشتىمىز»، دەيدى №14 ەمحانانىڭ ديرەكتورى ەرلان مۋسەنوۆ.

اتالعان ءىس-شارا ىسكەر ايەلدەر كەڭەسىنىڭ جانە «اقنيەت» قايىرىمدىلىق قورىنىڭ قولداۋىمەن ءوتتى.

مۇنداي ورتالىقتار 2020 جىلدان باستاپ باسقا قالالىق ەمحانالاردا دا اشىلىپ كەلەدى. ولاردىڭ ارقايسىسىندا كونسۋلتاتسيالار، اڭگىمەلەر جانە وقىتۋ شەبەرلىك سىنىپتارى وتەدى. دەمەۋشىلەر كابينەتتەردى قاجەتتى جيھازبەن، ۇيىمداستىرۋ تەحنيكاسىمەن، تۇرمىستىق تەحنيكامەن، ويىنشىقتارمەن، ەرتە جاستاعى بالالاردىڭ تانىمدىق سالاسىن دامىتۋعا ارنالعان زاتتارمەن جانە قولدىڭ ۇساق موتوريكاسىمەن جابدىقتاۋدى جۇرگىزەدى.

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ەكىدىڭ ماڭىنداعى ەسكەرتكىشتەر

ايماقتار • بۇگىن، 08:22

كۇي – قازاقتىڭ قازىناسى

رۋحانيات • بۇگىن، 08:19

ۇقساس جاڭالىقتار