قازاقستان • 06 مامىر، 2021

رەسەي مەن قازاقستان اراسىنداعى مال تاسىمالداۋعا قاتىستى شەكتەۋلەر جويىلدى

9 رەت كورسەتىلدى

اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتى مەن روسسەلحوزنادزور مال شارۋاشىلىعى ونىمدەرىن ءوزارا جەتكىزۋگە بايلانىستى بۇرىن ەنگىزىلگەن ۋاقىتشا شەكتەۋلەردى الىپ تاستاۋ بويىنشا جۇمىس جۇرگىزدى، دەپ حابارلايدى Egemen.kz مينيسترلىككە سىلتەمە جاساپ.

قر اشم ۆەتەرينارلىق باقىلاۋ جانە قاداعالاۋ كوميتەتى مەن روسسەلحوزنادزوردىڭ جەمىستى كەلىسسوزدەرىنىڭ ناتيجەسىندە مال مەن مال شارۋاشىلىعى ونىمدەرىن جەتكىزۋگە بۇرىن ەنگىزىلگەن ءوزارا شەكتەۋلەردى الىپ تاستاۋ بويىنشا بىرقاتار ماسەلەلەر شەشىلدى.

قازاقستاندىق كاسىپكەرلەر مەن ۆەتەرينارلىق قىزمەتتەردىڭ نازارىنا جوعارى پاتوگەندى قۇس تۇماۋى بويىنشا جاعدايدىڭ تۇراقتانۋىنا بايلانىستى ەلىمىزدىڭ سولتۇستىك قازاقستان، اقمولا، پاۆلودار جانە قوستاناي وبلىستارىنان رەسەي فەدەراتسياسىنا مىنا ونىمدەردى جەتكىزۋگە رۇقسات ەتىلگەنىن حابارلايمىز:

- ءتىرى قۇستاردى;

- ينكۋباتسيالىق جۇمىرتقانى;

- قۇس ەتىن;

- حالىقارالىق ەپيزوتيالىق بيۋرونىڭ جەر ءۇستى جانۋارلارىنىڭ دەنساۋلىعى كودەكسىنىڭ ەرەجەلەرىنە سايكەس، قۇس تۇماۋى ۆيرۋسىنا قارسى وڭدەلگەن تاۋارلاردان بولەك، قۇستان جاسالعان دايىن ەت ونىمدەرىن جانە قۇرامىندا قۇستىڭ قايتا وڭدەلگەن ونىمدەرى بار قۇس شارۋاشىلىعى ونىمدەرىنىڭ بارلىق تۇرلەرىن;

- قۇستاردىڭ ازىعى جانە ونىڭ قوسپالارىنا;

- قۇستاردى كۇتىپ-باعۋعا، سويۋعا جانە مۇشەلەۋگە ارنالعان بۇرىن پايدالانىلعان جابدىقتاردى جەتكىزۋگە رۇقسات بەرىلدى.

سونىمەن قاتار، سولتۇستىك قازاقستان، اقمولا، پاۆلودار جانە قوستاناي وبلىستارىنان جونەلتىلگەن ءتىرى قۇستاردى رەسەي فەدەراتسياسىنىڭ اۋماعى ارقىلى تاسىمالداۋعا دا رۇقسات ەتىلدى.

نيۋكاسل اۋرۋى بويىنشا قاراعاندى وبلىسىنان رەسەي فەدەراتسياسىنا ءتىرى قۇس جانە ينكۋباتسيالىق جۇمىرتقا، قۇس ەتى جانە تەرميالىق وڭدەۋدەن وتپەگەن، قۇستارعا ارنالعان ازىق پەن ونىڭ قوسپالارىن، بۇرىن قۇستاردى كۇتىپ-باعۋعا پايدالانىلعان، سويۋعا جانە مۇشەلەۋگە ارنالعان جابدىقتاردى، قۇس ونىمدەرىنىڭ بارلىق تۇرلەرىن جەتكىزۋگە قاتىستى بۇرىن ەنگىزىلگەن شەكتەۋلەر جويىلدى.

بۇل ايماقتان دا رەسەي فەدەراتسياسىنىڭ اۋماعى ارقىلى ءتىرى قۇس تاسىمالداۋعا رۇقسات ەتىلدى.

پاستەرەللەز بويىنشا جاعدايدىڭ تۇراقتانۋىنا بايلانىستى رەسەي فەدەراتسياسىنا قاراعاندى وبلىسىنان كۇيىس قايىراتىن جانۋارلاردىڭ بارلىق تۇرلەرىن، شوشقانى، سونداي-اق 72°س تەمپەراتۋرادا 30 جانە ودان دا كوپ مينۋت ىشىندە تەرميالىق وڭدەۋدەن وتپەگەن جانۋارلاردىڭ كورسەتىلگەن تۇرلەرىنەن الىنعان ولاردىڭ گەنەتيكالىق ماتەريالدارى مەن مال شارۋاشىلىعى ونىمدەرىن جەتكىزۋگە قويىلعان شەكتەۋلەر الىنىپ تاستالدى.

اتىراۋ مەن ماڭعىستاۋ وبلىستارىنان رەسەي فەدەراتسياسىنىڭ اۋماعىنا جەتكىزۋگە رۇقسات ەتىلگەن ونىمدەر:

- ءتىرى قوي مەن ەشكىلەر;

- قوي مەن ەشكىنىڭ ەتىنەن دايىندالعان ءونىم

- ءسۇت جانە ءسۇت ونىمدەرى;

- مال ازىعى;

- سويىلعان قوي مەن ەشكىدەن الىنعان باسقا دا شيكىزاتتار مەن بۇيىمدار;

- ۇساق مالدى ۇستاۋعا، سويۋعا جانە وڭدەۋگە ارنالعان قولدانىستاعى جابدىقتار.

سونىمەن قاتار، اتىراۋ جانە ماڭعىستاۋ وبلىستارىنان جونەلتىلگەن ءتىرى قويلار مەن ەشكىلەردى رەسەي فەدەراتسياسىنىڭ اۋماعى ارقىلى تاسىمالداۋعا رۇقسات ەتىلدى.

نودۋليارلىق دەرماتيت بويىنشا جاعدايدىڭ تۇراقتانۋىنا بايلانىستى اتىراۋ وبلىسىنان رەسەي فەدەراتسياسىنا جەتكىزۋگە رۇقسات ەتىلگەن ونىمدەر:

- جانۋارلاردىڭ نودۋليارلىق دەرماتيتىنە بەيىم ءىرى قارا مال;

- نودۋليارلىق دەرماتيت ۆيرۋسىنىڭ بۇزىلۋىن قامتاماسىز ەتەتىن ءتيىستى وڭدەۋسىز ىقم-دان، سونداي-اق جانۋارلاردىڭ سەزىمتال تۇرلەرىنەن الىنعان ءونىم;

- ءىرى قارا مالدىڭ وڭدەلمەگەن تەرىسى;

- ىقم-دىڭ گەنەتيكالىق ماتەريالى;

- ىقم ۇستاۋعا جانە تاسىمالداۋعا ارنالعان قولدانىستاعى جابدىق.

شوشقانىڭ افريكالىق وباسى بويىنشا ەپيزووتيالىق جاعدايدىڭ تۇراقتانۋىنا بايلانىستى قازاقستان رەسپۋبليكاسىنا ءتىرى شوشقالاردى التاي رەسپۋبليكاسىنان، التاي جانە كراسنويارسك ايماقتارىنان، نوۆوسيبيرسك، قورعان، چەليابى جانە تۇمەن وبلىستارىنان جەتكىزۋگە جانە قازاقستان اۋماعى ارقىلى تاسىمالداۋعا رۇقسات ەتىلەدى.

بۇعان دەيىن قۇس تۇماۋى بويىنشا كۇردەلى جاعدايعا بايلانىستى قازاقستانعا كۋرسك، ورلوۆ، ۆورونەج، چەليابى، ومبى، تۇمەن، قورعان جانە تومسك وبلىستارىنان، سونداي-اق تاتارستان رەسپۋبليكاسىنان ءتىرى قۇس پەن قۇس شارۋاشىلىعى ونىمدەرىن اكەلۋگە ەنگىزىلگەن شەكتەۋ شارالارى الىنىپ تاستالدى.

بۇدان بولەك، ءتىرى قۇستى، ينكۋباتسيالىق جۇمىرتقانى، مامىق پەن قاۋىرسىندى، قۇس ەتىن جانە قۇس شارۋاشىلىعى ونىمدەرىنىڭ بارلىق تۇرلەرىن، قۇستارعا ارنالعان ازىق پەن ونىڭ قوسپالارىن، سونداي-اق ساراتوۆ وبلىسىنان قۇستاردى كۇتىپ-باعۋعا، سويۋعا جانە مۇشەلەۋگە ارنالعان قولدانىستاعى جابدىقتاردى قازاقستان رەسپۋبليكاسىنا ەكسپورتتاۋعا رۇقسات ەتىلدى. ايتا كەتەيىك، بۇرىن ايماقتاعى نيۋكاسل اۋرۋىنىڭ ەپيزووتيالىق جاعدايىنا بايلانىستى شەكتەۋ شارالارى ەنگىزىلگەن بولاتىن.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

ۇقساس جاڭالىقتار