بيىلعى «تۇمار» V ۇلتتىق تەلەۆيزيالىق سىيلىعىنىڭ نومينانتتارىنىڭ شورت-پاراعىنا 40 فيناليست ەندى. سىيلىق الۋعا 10 نوميناتسيا بويىنشا 250 جۇمىس ۇسىنىلدى, ونىڭ ىشىندە 88-ءى قازاق تىلىندە جانە 162-ءسى ورىس تىلىندە.
ەڭ كوپ ءوتىنىم «ۇزدىك دەرەكتى فيلم» – 42, «ۇزدىك تەلەجۋرناليست» – 40, «ۇزدىك تەلەجۇرگىزۋشى» – 38 جانە «ۇزدىك رەجيسسەرلىك جۇمىس» – 31 نوميناتسيالارى بويىنشا كەلىپ ءتۇستى.
ايتا كەتەيىك, سىيلىققا 2020 جىلى قازاقستاندىق تەلەارنالاردىڭ ەفيرىندە شىققان تەلەۆيزيالىق جوبالار قاتىستىرىلدى. سىيلىق جەڭىمپازدارى قازاقستاندىق تەلەۆيزيانى دامىتۋعا قوسقان ۇلەسى ءۇشىن 1 ميلليون تەڭگە كولەمىندە اقشالاي سىياقى جانە «تۇمار» مۇسىنشەسىنىڭ يەگەرى بولادى.
«تۇمار» – تەلەۆيزيالىق شەبەرلىك سالاسىنداعى جوعارى جەتىستىكتەرى ءۇشىن ۇلتتىق تەلەۆيزيالىق بايگەسى 2017 جىلى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ باستاماسىمەن قۇرىلعان. وسى جىلدار ىشىندە وتاندىق تەلەۆيزيالىق جۋرناليستيكانىڭ 48 مامانى ەكسكليۋزيۆتى مۇسىنشەگە يە بولدى.
