جيىندا ايماق باسشىسى وڭىردەگى قارۋلى كۇشتەر, قورعانىس ىستەرى سالاسىنىڭ اسكەري ازاماتتارىنا «العىس حات» تابىستادى.
«وتان قورعاۋ – كۇن سايىنعى ەرلىك ەكەنىن ەسكەرەتىن بولساق, قورعاۋشىلارىمىزدىڭ ارقاسىندا بيىل تاۋەلسىزدىگىمىزدىڭ 30 جىلدىعىن اتاپ وتەمىز. وسىعان وراي, ەگەمەندى ەلىمىزدىڭ وتىن سوندىرمەي, قورعانىس جۇيەسىن بەكەم ۇستاۋدا جىلدار بويى ءوز ۇلەسىن قوسىپ كەلگەن ازاماتتارىمىزدى ماراپاتتايتىن بولامىز», دەدى وبلىس اكىمى گۇلشارا ابدىقالىقوۆا.
«جۇمىلدىرۋ جانە شۇعىل جۇمىستار ورتالىعى» كوممۋنالدىق مەملەكەتتىك مەكەمە باسشىسىنىڭ ورىنباسارى باۋىرجان سادىقوۆ, قىزىلوردا وبلىسىنىڭ اۋماقتىق قورعانىس بريگاداسىنىڭ 99215 اسكەري ءبولىمىنىڭ كومانديرى كەرىمباي ويىقباەۆ, وبلىستىق قورعانىس ىستەرى جونىندەگى دەپارتامەنتىنىڭ جاڭاقورعان اۋداندىق ءبولىمى جاساقتاۋ بولىمشەسىنىڭ باستىعى جاسۇلان شانقۇلوۆ, قر ۇلتتىق قاۋىپسىزدىك كوميتەتى شەكارا قىزمەتىنىڭ قىزىلوردا وبلىسى بويىنشا دەپارتامەنتىنىڭ ءبولىم باستىعى, مايور نۇربەك ابدىراقىنوۆ, قر قورعانىس مينيسترلىگىنىڭ 66597 اسكەري ءبولىمىنىڭ ەفرەيتورى شاپاعات بولاتوۆ, قر ۇلتتىق ۇلانىنىڭ 5547 اسكەري ءبولىمىنىڭ باتالون كومانديرى, مايور جاسۇلان بەركەنوۆ بار.
جيىن سوڭىندا قىزىلوردا وبلىسىنىڭ قورعانىس ىستەرى جونىندەگى دەپارتامەنتىنىڭ باستىعى, پولكوۆنيك ايدىن ساعىندىقوۆ كورسەتىلگەن قۇرمەتكە العىسىن جەتكىزىپ, مەرەكەمەن قۇتتىقتادى.
