جوبا اۆتورلارىنىڭ ءبىرى الەۋمەتتىك جەلىدە «بارلىق كىنارات تولەمدى دۇرىس جۇرگىزبەۋىمىزدەن» دەپ جازدى.
«ابونەنتتىك تولەمدى ۋاقىتىلى جۇرگىزدىك. بىراق باسقا ادامنىڭ اتىنان تولەپپىز. وسىعان بايلانىستى ءموبيلدى قوسىمشانى پلاتفورمادان الىپ تاستاعان. بيىلدان باستاپ تولەم ءتارتىبى وزگەرگەنىن ەستەن شىعارىپ الدىق. جاقىن ۋاقىتتا بارلىعىن قالپىنا كەلتىرەمىز», دەدى «Ashyq» ءموبيلدى قوسىمشاسىن ازىرلەۋشى ۆيتالي پۋستوۆويتەنكو.
iOS پلاتفورماسىنا ءموبيلدى قوسىمشانى ورناتۋ ءۇشىن بۇرىن باسقا ادامنىڭ اتىنان اقى اۋدارۋعا رۇقسات ەدى. الايدا سوڭعى وزگەرىستەر بويىنشا جوبا يەسى ەندى تەك ءوز اتىنان تولەۋى كەرەك. سوندىقتان iOS جۇيەسىندەگىلەر «Ashyq» ءموبيلدى قوسىمشاسىن كوپ ۇزاماي سمارتفوندارىنا قايتا جۇكتەي الادى.
ال Android قولدانۋشىلارى ءۇشىن قازىردىڭ وزىندە قولجەتىمدى. ايتا كەتكەن ءجون, باعدارلامانى 720 مىڭنان استام ازامات جۇكتەگەن. قوسىمشانى 1 تاۋلىك ىشىندە شامامەن 126 مىڭ ادام پايدالانادى.
