جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, ۇوس قاتىسۋشىلارىنا تەڭەستىرىلگەن ازاماتتارعا ءبىر رەتتىك ماتەريالدىق كومەك قاراستىرىلعان. قورشاۋداعى كەزەڭىندە لەنينگراد قالاسىنىڭ كاسىپورىندارىندا, مەكەمەلەرى مەن ۇيىمدارىندا جۇمىس ىستەگەن جانە «لەنينگرادتى قورعاعانى ءۇشىن» مەدالىمەن, ءارى «قورشاۋداعى لەنينگراد تۇرعىنى» بەلگىسىمەن ناگرادتالعان 11 ادام 100 مىڭ تەڭگەدەن الادى. ەكىنشى دۇنيەجۇزىلىك سوعىس كەزىندە فاشيستەر مەن ولاردىڭ وداقتاستارى قۇرعان كونتسلاگەرلەردىڭ, گەتتولاردىڭ جانە باسقا دا ەرىكسىز ۇستاۋ ورىندارىنىڭ بۇرىنعى كامەلەتكە تولماعان تۇتقىندارىنىڭ قاتارىنا ەنگەن 22 ازامات, سونداي-اق, ۇوس قايتىس بولعان قاتىسۋشىلاردىڭ, پارتيزانداردىڭ, استىرتىن كۇرەس جۇرگىزۋشىلەردىڭ, «لەنينگرادتى قورعاعانى ءۇشىن» مەدالىمەن جانە «قورشاۋداعى لەنينگراد تۇرعىنى» بەلگىسىمەن ماراپاتتالعان, «مۇگەدەك» دەپ تانىلعان ازاماتتاردىڭ ايەلدەرى (كۇيەۋلەرى) وسى سومانى جەڭىس كۇنى قارساڭىندا الادى. ولاردىڭ سانى 531 ادام. سونداي-اق بۇل تىزىمگە ماراپاتتالعان تىل ەڭبەككەرلەرىنەن 320 ادام كىردى.
12 504 ادام مەرەكەگە وراي 42 500 تەڭگە الادى. ولار 1941 جىلعى 22 ماۋسىم مەن 1945 جىلعى 9 مامىر ارالىعىندا كەمىندە التى اي جۇمىس ىستەگەن (قىزمەت وتكەرگەن) جانە ۇلى وتان سوعىسى جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالماعان تىل ەڭبەككەرلەرى.
بيۋدجەتتەن قاراستىرىلعان تولەمدەردىڭ جالپى سوماسى 705 ملن تەڭگەنى قۇرادى.
